Mes do Medio Ambiente en Afundación. Xuño 2025
Ambiente de CECA, que promove o sentido de pertenza e de responsabilidade no coidado da contorna. A seguir, tes todas as nosas propostas coas que ademais de colaborar e afondar no coñecemento da natureza, os seus recursos e tamén as problemáticas que encerra hoxe, poderás divertirte en familia para que a experiencia sexa completa.
Coñece curiosidades do Universo, o noso planeta e o medio que nos rodea de forma lúdica, dinámica e participativa.
- 7 XUÑ 2025 | Xornada de portas abertas | 17.30 a 20.30 h
- 6 e 13 XUÑ 2025 | Obradoiro de insectos
Estas actividades forman parte do noso programa solidario CULTURA POR ALIMENTOS, a través do que te invitamos a asistires a elas cunha doazón de produtos non perecedoiros para axudar os bancos de alimentos locais. Grazas!
Máis información
Escolares, maiores e voluntariado pintan sumidoiros e un mural fotocatalítico para recordarnos que todo o que tiramos ao chan pode acabar no mar.
EMOCIÓNS EN PERIGO. Fotografías de Tim Flach | Vilanova de Gaia, Porto
COLABORACIÓNS
Festival MAR DE MARES 2025: gran limpeza de fondos mariños na Coruña | 6-15 XUÑ
VOLUNTARIADO
Limpeza forestal en León (17 maio)
30 persoas de ABANCA e Afundación colaboraron na retirada de residuos nunha zona de repoboación forestal dentro do proxecto LIFE Osos con futuro.
Erradicación de flora invasora en San Sebastián (24 maio)
Máis de 45 voluntarios eliminaron preto de unha tonelada de especies exóticas en Añorga, co proxecto LIFE COOP CORTADERIA.
Limpeza de praias en Burela (24 maio)
60 persoas, entre voluntariado e entidades locais, retiraron máis de 300 quilos de lixo mariño no Perdouro e A Marosa.
O programa «Educación para a sostibilidade», primeiro premio nacional de Medio Ambiente de CECA, atinxe todas as áreas de Afundación, co obxectivo de inculcar prácticas sostibles para unha xeración consciente e comprometida, e animar, con iso, máis xente a sumarse. A partir dunha programación variada, respaldamos o coñecemento para entender os desafíos ambientais e empoderar a xente máis nova como axentes de cambio, reforzando a súa autonomía e responsabilidade no camiño cara a un maior compromiso sostible.
Así, tanto mediante accións directas de voluntariado na limpeza de areais ou replantación forestal, actividades didácticas derivadas de exposicións de contido ambiental, iniciativas que combinan prácticas sostibles con expresión artística como «Plantando árbores con pinceis», ou as que se desenvolven en Naturnova, o centro de educación ambiental de Afundación, único en Galicia, o propósito é concienciar ao longo de toda a xeografía galega. No ano 2024, máis de 200.000 persoas involucráronse canda nós na protección das nosas contornas.
Aproveita para visitares a axenda web e decatáreste de todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para máis actividades escénicas.
