FELiiC & Open MiiC. Charlas e encontros de Ilustración, en Santiago de Compostela
O 10 de maio, en colaboración coa Deputación da Coruña, traemos unha xornada de actividades á nosa Sede Afundación Santiago de Compostela no marco de DIVERSA, la V Muestra Internacional de Ilustración Contemporánea Afundación (MiiC5). Convidámosvos a asistir á FELiiC e OPEN MiiC
cun programa que incluirá encontros cos/as artistas participantes na exposición, así como charlas centradas no ámbito da edición e da ilustración. Todas as actividades son de entrada libre e de balde.
Open MiiC
Unha serie de encontros informais entre o público e os/as artistas participantes na mostra MiiC, en que comentarán en persoa as súas obras expostas. Estes encontros buscan fomentar o diálogo directo sobre o proceso creativo, técnicas e mensaxes detrás das ilustracións, e serán recollidos en formato audiovisual para a súa posterior difusión.
FELiiC – Charlas de Edición e Libro Ilustrado
Un espazo de reflexión sobre o traballo editorial no sector, coa participación de destacadas ilustradoras e ilustradores que forman parte da MiiC5 como Ana Jarén, Mariona Cabassa, Harsa ou Emily Eldridge.
As actividades comezarán ás 11:30 h, abrindo a xornada unha mesa especial dedicada ao XX aniversario do Premio Castelao de Banda Deseñada, coa participación do creador do certame, Miguelanxo Prado, Sabela Herrero da Deputación da Coruña e das recentes gañadoras do premio Sandra López Díaz e Laura Suárez.
Ademais, o público poderá visitar a exposición bibliográfica do XX aniversario do Premio Castelao ata o 15 de maio, no andar 0 da Sede Afundación. A mostra recolle as dúas obras editadas polo certame, xunto cun percorrido polos vinte anos de historia do premio a través da colección completa de libros publicados.
Estas actividades están organizadas pola Deputación da Coruña e coa colaboración de Afundación, Obra Social ABANCA.
PROGRAMA COMPLETO DA XORNADA
FELiiC & Open MiiC
SEDE AFUNDACIÓN SANTIAGO
Rúa do Vilar 19 // Entrada de balde
11.30 h — AUDITORIO
Charla con Miguelanxo Prado, Sabela Herrero, Laura Suárez, Sandra López.
“A traxectoria dunha linguaxe: vinte anos de Premio Castelao de Banda Deseñada”
Modera: Susana Pedreira (60’)
12.45 h — ANDAR 1
Encontro con Emily Eldridge, Mariona Cabassa, Ana Jarén, Catalina Rodríguez Villazón (45’)
17.00 h — ANDAR 0
Encontro con Cristian Fojón Caruncho, Paula Mayor, Inma Hortas (30’)
18.00 h — AUDITORIO
Charla con Ana Jarén, Mariona Cabassa, Harsa, Emily Eldridge
“Narrativas visuais: catro voces, catro camiños”
Modera: Neves Rodríguez (50’)
19.00 h — ANDAR 2
Encontro con María Grande, Marcos Covelo, Harsa, Maritza Berttolini (50’)
Aproveita para visitar a axenda web e decátate de todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para informarte sobre outras actividades escénicas.
