Visita guiada: Doméstica - Espazo +60 Ourense

O Espazo +60 de Ourense organiza unha visita guiada pola exposición “DOMÉSTICA. O obxecto contemporáneo na Colección de Arte Afundación”, unha mostra que aborda o obxecto desde unha perspectiva contemporánea con obras dos séculos XX e XXI pertencentes á Colección de Arte Afundación.

Combínanse elementos tradicionais do xénero das naturezas mortas cunha perspectiva innovadora e conceptual, buscando transmitir emocións e reflexións sobre a vida e a sociedade actuais. Os obxectos representados son tanto cotiáns como simbólicos, convidando a cuestionar o seu significado e a mergullarse nun mundo visualmente impactante e provocador.

Estamos ante unha visión global que abrangue desde propostas formais próximas ao impresionismo, ao cubismo ou ao hiperrealismo, ata chegar ao conceptual, conformando un exemplo incomparable das múltiples expresións da plástica galega.

Datas:

• 12/03/2026
• 24/03/2026

Duración de 1 hora.

Actividade gratuíta con inscrición previa no Espazo +60 (988 23 63 03) ou no formulario.

Prazo de inscrición:

• 1ª VISITA – 11/03/2026
• 2ª VISITA – 20/03/2026

Máis información aquí.