Comida tradicional galega I, obradoiro de cociña infantil en Santiago
Neste obradoiro recurrimos á nosa rica e variada gastronomía, e non podiamos deixar pasar esta ocasión para dedicarlle un apartado especial a un dos nosos pratos máis tradicionais: A empanada de millo. Algunhas receitas seguirémolas a elaborar ao xeito tradicional, e outras verémolas desde un punto de vista máis moderno, coñecendo diferentes técnicas. Que delicia!
O obradoiro estrutúrase nunha única sesión de dúas horas, en que elaboraremos:
- Empanada de millo de mexillóns (masa + zaragallada)
- Papanduxas
DATA E HORA: Un día a escoller entre:
- Sábado 14 de maio de 11.30 a 13.30 h
- Sábado 21 de maio de 17.00 a 19.00 h
MATRÍCULA: 13 € (Máximo 12 participantes de 5 a 12 anos)
Inscríbete en Ataquilla.com, no 902 504 500 ou na nosa sede (Rúa do Vilar, 19).
Afundación resérvase o dereito a anular o curso o día antes se non se acada o número mínimo de participantes establecido. Para os cursos que comecen en luns avisarase en venres, cunha antelación de tres días.