Obradoiro infantil de percusión «Moraima». Santiago de Compostela

«Moraima» chega ao Centro Obra Social ABANCA de Santiago de Compostela. Este obradoiro musical para bebés, da man de Percubebé, terá lugar no edificio da praza de Cervantes o sábado 11 de maio. Poderá asistir toda a cativada de 0 a 6 anos.

 

Concerto de balde! Previa inscrición aquí.

 

Esta actividade forma parte do proxecto cultural Sonoro empeño, unha proposta que ofrece distintas alternativas de lecer, combinando música e pintura. Concertos, obradoiros infantís, performance, encontros, degustacións culinarias e, presidindo a oferta, a imperdible mostra «Sonoro Empeño. A música nas Coleccións ABANCA e Afundación».

Infórmate aquí polo miúdo de toda a programación.

 

Deberá asistir unha persoa adulta por bebé ou nena/o.

Límite de prazas. Máximo 30 familias.

 

Duración 60 min

 

O espectáculo musical Moraima, para primeira infancia de 0 a 6 anos, tráenos a historia de Moraima, unha nena que vive nun bosque, rodeada dun mundo máxico que nos levará a unha viaxe polos nosos soutos. Coa música e os xogos faranos desfrutar, cantar e tocar no seu marabilloso universo. Percubebés presenta nesta montaxe un obradoiro musical.

 

SONORO EMPEÑO

Arte e música danse a man na capital galega, e transforman o Centro Obra Social ABANCA de Santiago de Compostela nun potente, dinámico e sonoro altofalante. 

O proxecto cultural SONORO EMPEÑO ofrece un compendio de actividades anovadoras e orixinais, con eixe na mostra homónima que conta con algunhas das obras máis destacadas da Colección de Arte Afundación e ABANCA. Un universo de experiencias orientado a diferentes públicos e deseñado para gozar coa música en moitas das súas variantes, e do diálogo desta con outros conceptos coma a pintura, poesía, escultura, cinema, tecnoloxía, cociña ou ciencia. En conxunto, unha oferta encamiñada a xerar unha experiencia musical, sinestésica e inesquecible. A partir do 25 de marzo.

Coñece aquí toda a programación!