Presentación do álbum ilustrado "Pedro, o piloto de gaivotas", en Santiago de Compostela
O martes 19 de decembro ás 18.00 h na Biblioteca Afundación en Santiago de Compostela terá lugar a presentación do álbum ilustrado "Pedro, o piloto de gaivotas" coa presenza do escritor Manuel Darriba, da ilustradora Aida Alonso e da editora Edurne Baines da Editorial Belagua.
Trátase dun álbum ilustrado sobre a inclusión e a diversidade, que conta a historia de Pedro, un neno con discapacidade ao que lle encanta ver mundo. Por iso se fixo piloto de gaivotas.
Esta presentación vén acompañada dun interesante obradoiro para nen@s de 4 a 8 anos. Necesario inscribirse na propia Biblioteca ou chamando ao 981 593 467.
