Novidades en Naturnova! Vigo

O Centro Interactivo de Educación Ambiental de Afundación, Naturnova, estrea un novo módulo en que poderás explorar contidos relacionados coa paisaxe e a topografía de Galicia dun xeito interactivo. Trátase dunha mesa virtual Sandbox, unha ferramenta didáctica que desenvolve un sistema de realidade aumentada que permite realizar unha representación topográfica en tempo real mentres se manipula a area dun caixón.

 

O sistema, que está instalado nos principais centros de divulgación científica do mundo coma o Nemo de Ámsterdam ou o Exploradome de París, permite interactuar coa area, construíndo de xeito virtual cordilleiras, presas, vales, zonas con auga, etc. Unha ferramenta didáctica que amosa conceptos sobre xeografía, xeoloxía e hidrografía cunha tecnoloxía que sorprende e cativa.