Letras miúdas. Biblioteca Afundación Santiago de Compostela

Un ano máis co gallo do Día das Letras Galegas o 17 de maio, desta vez dedicado a Carlos Casares, Afundación organiza na Biblioteca Afundación de Santiago de Compostela unha serie de actividades para pór en valor a nosa lingua e cultura entre os máis pequen@s. Consúltaas a seguir.

 

CARLOS CASARES, O HOMENAXEADO. 18 de abril a 31 de maio.

Exposición bibliográfica para dar a coñecer a obra de Carlos Casares, autor homenaxeado no Día das Letras Galegas 2017.

XINCANA LITERARIA. 24 de abril, 18.30 a 19.30 h.

Obradoiro lúdico-didáctico para que os máis pequenos coñezan a vida e obra de Casares dun xeito divertido. A través de unha xincana liteararia achegamos aos nenos e nenas de 4 a 7 anos coñecementos básicos sobre o autor.

HORA DO CONTO. 25 de abril e 2 de maio, 18.30 a 19.30 h.

Especial contacontos en dúas sesións para nen@s de 4 a 8 anos. Lemos A galiña azul e creamos a nosa propia!

OBRADOIRO BIOGRÁFICO. 27 de abril e 3 de maio, 18.30 a 19.30 h.

Obradoiro didáctico de carácter plástico para nen@s de 4 a 8 anos no que crearemos un libro biográfico sobre o autor homenaxeado. O obxectivo é que cada nen@ posúa un libro propio feito por el sobre Casares. Na segunda sesión organizamos unha exposición cos traballos creados.

OBRADOIRO DE CREACIÓN LITERARIA. 4 de maio, 18.30 a 19.30 h.

Obradoiro para nen@s de 6 a 9 anos onde se lles ofrecerá os recursos e instrumentos necesarios para crear o seu propio conto sobre A galiña azul.

OBRADOIRO DE TEATRO. 2 a 15 de maio, 18.30 a 20.00 h.

Preparamos a obra As laranxas máis laranxas de todas as laranxas. Este obradoiro, orientado a nenas e nenos de 6 a 9 anos, inclúe tanto a memorización do texto como a creación de personaxes e ambientación da obra.

INTERPRETAMOS AS LARANXAS MÁIS LARANXAS DE TODAS AS LARANXAS. 16 de maio, 18.30 a 19.30 h.

Os nen@s participantes do Obradoiro de teatro interpretan As laranxas máis laranxas de todas as laranxas.