«Acollida e hospitalidade no Camiño de Santiago. Fotografías de Manuel G. Vicente», en Ferrol

Comeza en Ferrol a exposición «Acollida e Hospitalidade no Camiño de Santiago. Fotografías de Manuel G. Vicente», unha homenaxe a todas as persoas que voluntariamente axudan os peregrinos nas rutas xacobeas, e que teñen un papel fundamental nelas. Turismo de Galicia organiza esta proposta, que reúne unha selecta colección de fotografías de Manuel G. Vicente. Podes visitala na nosa Sede de Ferrol ata o 19 de novembro. 

 

Expóñense imaxes do fotógrafo, desde finais dos anos 90 ata a actualidade, que dan mostra da hospitalidade de numerosos voluntarios en albergues e outros puntos do Camiño de Santiago. Asociacións de Amigos do Camiño e persoas individuais enchen a Ruta Xacobea dun ambiente fraternal e solidario, difundindo a cultura e espiritualidade que leva parella a experiencia do Camiño.