Xornada de portas abertas polo Día do Medio Ambiente en Naturnova. Vigo

O 10 de xuño Naturnova celebra o Día Mundial do Medio Ambiente cunha Xornada de portas abertas. Ven gozar do noso Centro Interactivo e divírtete descubrindo os segredos do noso contorno.

O 5 de xuño, como cada ano desde 1973, conmemórase o Día Mundial do Medio Ambiente, esta vez baixo o lema  «Estou coa Natureza» e co Canadá como país anfitrión. O obxectivo deste día é concienciar a xente sobre a importancia de respectar e coidar o noso contorno natural.

Por iso, en Naturnova queremos celebrar este día cunha Xornada de portas abertas para que goces do noso Centro Interactivo de xeito totalmente gratuíto. Descubre os misterios ocultos dos planetas, realiza unha viaxe polo fondo do mar no noso simulador de submarino ou visualiza o funcionamento das enerxías renovables.

Máis información no 986 120 088 ou en naturnova@afundacion.org