Cursos de cociña en familia para un planeta sustentable. A Coruña

Presentámosche os cursos de cociña en familia: Alimentación para un planeta sustentable, vinculados á exposición «O noso planeta» na Coruña.

Impartidos por Maite Fernández, con estes talleres culinarios fomentamos os hábitos de alimentación aliñados coa sustentabilidade do planeta. Imos concienciarnos en familia e aprender sobre as ferramentas que nos achega a cociña e a alimentación en xeral para colaborar cun planeta saudable: ingredientes de tempada, Km0, máis verduras e menos carne.

Para nen@s de 7 a 14 anos, acompañados dunha persoa adulta.

CALENDARIO

Sábado 23 Nov. | 17.00 a 19.30 h | Visita guiada á exposición, seguida dunha clase de cociña
Sábado 30 Nov. | 17.00 a 19.30 h | Visita guiada á exposición, seguida dunha clase de cociña

 

RECEITAS

23 NOV. >> Consomé da horta | Caldo de verduras labrego | Empanadillas do Atlántico con verduriñas de mar e piñóns | Pastel integral de mazás e noces do país

30 NOV. >> Risotto de allos porros e rixóns | Milfollas de berenxenas e cabaciña con mollo de tomate variedade autóctona de Galicia | Mousse de requeixo de Ferrol con marmelo e mel

 

INSCRICIÓN. 15 €* (1 menor + 1 persoa adulta) en www.ataquilla.com ou na Sede Afundación A Coruña

Gastos de xestión á parte.

 

Esta actividade encádrase dentro do programa de paralelas á MOSTRA «O noso planeta», que podes ver ata o mes de febreiro na Sede Afundación da Coruña, un incrible proxecto expositivo baseado na serie documental de Netflix, que baixo o mesmo título nos activa e conciencia cara á sustentabilidade.