Teatro MALDITOS TACONES, en Vigo
Luísa Martín e Olivia Molina poñen esta magnífica obra de Ignacio Amestoy sobre as táboas do Teatro Afundación Vigo, unha intensa reflexión sobre mulleres e poder. Goza na túa butaca con Malditos tacones, obra incluída na Tempada de Abonos de Teatro Afundación 2025.
Agora podes coller as túas entradas soltas en Ataquilla.com
Coñeces Cultura por Alimentos? O noso programa solidario convídate a asistires ao teatro doando algúns produtos non perecedoiros para axudar os bancos de alimentos locais. Infórmate.
DURACIÓN | 65 min
IDADE MÍNIMA | 16 anos
AUTOR Ignacio Amestoy
ELENCO Luisa Martín, Olivia Molina
ESCENOGRAFÍA Curt Allen e Leticia Gañán (Estudio Dedos Aaee)
ILUMINACIÓN José Manuel Guerra
PRODUTOR Jesús Cimarro
VERSIÓN e DIRECCIÓN Magüi Mira
Someter é domesticar. Conséguese apretando, illando, limitando o movemento. O encerro nas gaiolas. A muller sente na súa carne os arames que lle cortan o aire. Unha estratexia violenta. E se o movemento doe a estratexia é máis eficaz. Malditos Tacones, texto palpitante de Ignacio Amestoy fálanos de dúas mulleres que se enfrontan co poder nas súas mans. Buscan a verdade e atopan a gran mentira. Dúas superviventes de hoxe, que buscan o osíxeno imprescindible para recuperar unha dignidade perdida. Sobre elas, a sombra dun xigante, un cruel Agamenón calquera. A herdanza dun poder corruptor, con identidade de sexo, como arma de sometemento. Dúas vidas, dúas éticas opostas nunha sociedade non deseñada para elas. A gran Victoria Burton, matriarca da saga dos Burton e María García, brillante avogada feita a si mesma. Dúas grandes mulleres espindo, esfolando ou reinventando o poder dunha clase privilexiada. Dúas mulleres de altura que calzan os seus tacóns de forma diferente. Dúas mulleres soas. Sempre estiveron soas.
Magüi Mira
Visita a nosa axenda web e decátate de todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para informarte sobre máis actividades escénicas.
