Afundación pon á venda os abonos para a segunda metade da Tempada de Teatro en Pontevedra

A segunda parte da Tempada de Abonos de Afundación neste 2026 ofrecerá ao público de Pontevedra tres espectáculos entre os meses de setembro e decembro. Trátase da comedia ¡Por fin me voy!, de Carles Sans, un dos co-fundadores da histórica compañía de teatro cómico Tricicle; Bernarda, un retrato da Galicia da transición dirixido por José Prieto; e Dulcinea, con Paloma San Basilio dándolle vida ao emblemático personaxe feminino de El Quijote. Os abonos con prezo reducido para os tres espectáculos poden obterse desde o xoves 25 de xuño e ata o 6 de setembro en Ataquilla.com. A partir do 7 de setembro, o público comprar entradas soltas, a prezo completo, para cada un dos espectáculos. A Tempada de Abonos de Teatro de Afundación convoca cada ano en Pontevedra algúns dos máis interesantes espectáculos teatrais do momento en España.

Puro teatro

O espectáculo  ¡Por fin me voy!, que o 25 de setembro inaugura a segunda parte da tempada de abono, é unha proposta na que Carles Sans relata, desde unha óptica crítica e divertida, as súas vivencias e anécdotas tras a súa retirada dos escenarios co emblemático grupo teatral Tricicle. A obra está chea de momentos divertidos e surrealistas, como ese en o que Sans explica como sabe unha pastilla ao entrar no corpo dunha persoa, para que serve e cara a onde se dirixe

A obra Bernarda, galardoada nos premios María Casares, chegará a Pontevedra o 27 de novembro. Bernarda é un retrato da vida de dúas xeracións de mulleres galegas durante a transición española, centrado nunha muller que queda viúva en 1975 e decreta un rigoroso loito que illa ás súas fillas dos cambios do exterior.

Dulcinea, con Paloma San Basilio á fronte, completa a programación o 11 de decembro. A cantante e actriz subirase ás táboas do Auditorio da Sede Afundación de Pontevedra interpretando a unha Dulcinea que, con humor e ironía, se pregunta se ten sentido seguir defendendo soños imposibles nun mundo sen ideais.

«Cultura por alimentos»

A Tempada de Abonos de teatro da Obra Social de ABANCA en Vigo forma parte do programa solidario «Cultura por alimentos», desenvolvido por Afundación en colaboración coa Federación Española de Bancos de Alimentos (FESBAL). Os asistentes á función do próximo xoves poderán colaborar depositando alimentos non perecedoiros nos contedores dispostos para tal fin. As doazóns serán distribuídas por FESBAL entre familias en risco de exclusión.

Hai imaxes das obras nesta ligazón