O Teatro Afundación de Vigo acolle 'Nuevamente', a nova proposta do humorista Luis Chataing

Afundación, a Obra Social de ABANCA, albergará no Auditorio do seu Teatro Afundación de Vigo (Marqués de Valladares, s/n) o novo espectáculo de stand up comedy do humorista Luis Chataing, Nuevamente. Será o vindeiro sábado 30 de xuño, a partir das 20.00 h, e as entradas pódense adquirir na web Ataquilla.com.

Chataing regresa aos escenarios cunha nova proposta na que o humorista se pon ao día con todos os cambios recentes que atravesa a súa vida, como a mudanza aos Estados Unidos, a paternidade, o feito de deixar a radio, a tecnoloxía, as redes sociais e, en especial, o inquietante intento de dixerir a política.