O Espazo +60 de Viveiro entrega a recadación da súa tenda solidaria á Asociación de Familiares de personas con Alzheimer
O Espazo +60 Afundación de Viveiro fixo entregará esta tarde ás 17.30 h un cheque por importe de 395€ á Asociación de Familiares de persoas con Alzheimer de Viveiro, destinado a visibilizar e apoiar a labor da asociación na atención a persoas afectadas por esta enfermidade neurodexenerativa. Ao acto de entrega asistiron o presidente da entidade, Jose Amador Fernández Pérez; a psicóloga e coordinadora da asociación, Ana Solloso Tiagonce; a coordinadora do Espazo +60 de Viveiro, Cristina Goas; e as voluntarias do obradoiro, Dolores Fernández López, Edelmira Paz Pernas, Rosario Sánchez Travieso, Rosario Fernández Castro, Dolores Franco Sánchez, Isabel Rama Lema, Margareth Gait e Maribel Sousa Fernández.
O importe entregado é o total recadado coa venda de produtos artesanais, elaborados por 8 voluntarias do Espazo +60 de Viveiro nun obradoiro solidario. Esta actividade enmárcase dentro do programa «O Valor da Experiencia» da Área de Maiores, que ten como obxectivo potenciar o seu papel activo na sociedade e fomentar a participación en actividades de voluntariado.
A xornada inclúe unha charla informativa sobre o Alzheimer, titulada «Que é o Alzheimer, como detectalo e tratamentos», impartida por Ana Solloso Tiagonce, psicóloga e coordinadora da asociación.
Esta iniciativa reforza o compromiso do Espazo +60 de Viveiro coa participación activa das súas socias e a colaboración con asociacións locais que traballan pola mellora da calidade de vida das persoas afectadas por enfermidades neurodexenerativas.
As imaxes da entrega do cheque solidario estarán dispoñibles esta tarde AQUÍ