Afundación acolle a posta en escena do coro, ballet e orquestra do Exército Ruso en Santiago e Pontevedra
Afundación, a Obra Social de ABANCA, acolle as representacións do Exército Ruso de San Petersburgo, conformado por coro, orquestra e ballet, nas cidades de Santiago de Compostela e Pontevedra. Os máis de 100 artistas que o conforman sairán a escena o vindeiro 18 de xaneiro, ás 20.30 h, no Auditorio ABANCA de Santiago de Compostela (Preguntoiro, 23) e o 19 de xaneiro, a partir das 20.30 h, na Sede de Afundación de Pontevedra (Augusto González Besada, 2). As entradas para ambos os dous espectáculos pódense adquirir na web Ataquilla.com.
Avalados polo éxito das súas xiras internacionais, o Exército Ruso de San Petersburgo chega a Galicia cun espectáculo no que interpretarán algúns dos temas máis coñecidos do folclore ruso, acompañados de traballadas coreografías e un deslumbrante vestiario. Máis de 30 millóns de persoas en todo o mundo xa gozaron cas súas voces, os seus bailes e a súa música.