• Centros
  • Colección
  • Sala de prensa
  • Afundación TV
  • Contacto
  • Boletín
  • Español
  • Coñécenos
  • Educación
    • Programación Escolares
      • Infantil
      • Primaria
      • ESO
      • Bacherelato
      • Ciclos formativos
    • Centros educativos
      • A Coruña

      • Pontevedra

      • Santiago

      • Vigo

    • Premio
      • Premio Internacional Afundación de Investigación Educativa
  • Cultura
    • Arte
      • Exposicións
      • Colección de arte
      • Corrente cultural
      • Acreativa
      • Arte e inclusión
    • Artes Escénicas
      • Espectáculos
      • Teatro Afundación Vigo
      • Sede Afundación Pontevedra
      • Auditorio ABANCA Santiago de Compostela
    • Premios
      • Premio Internacional Afundación de Investigación Educativa
      • Premio de Poesía Afundación
      • Premio Afundación de Periodismo Julio Camba
      • Premio Afundación de Xornalismo Fernández del Riego
      • Concurso de Beléns Afundación
    • Publicacións
      • Buscador
      • Lista de autores
    • Centros
      • A Coruña
      • Ferrol
      • Lugo
      • Ourense
      • Pontevedra
      • Santiago de Compostela
      • Vigo
  • Envellecemento activo
    • Programas
      • Catedra Lonxevidade
      • Aprendizaxe permanente
      • Benestar físico
      • Cultura dixital
      • Coñecendo as emocións
      • Entrenamento cognitivo
      • Lecer activo
      • Valor da experiencia
    • Espazos +60
      • A Coruña
      • Betanzos
      • Ferrol
      • Lugo
      • Monforte de Lemos
      • Ourense
      • Pontedeume
      • Pontevedra
      • Santiago de Compostela
      • Vigo
      • Viveiro
    • +60 Online
      • Ver actividades
      • Asóciate
  • +Social
    • Voluntariado
      • Voluntariado corporativo
      • Voluntariado +60
      • Faite voluntari@
    • Programas +Sociais
      • Axudar a Ucraína
      • Plancton
      • Cubertos
      • Acompañámoste
      • Voluntariado medioambiental
      • Cultura por alimentos
      • Pedalear e conversar
  • Axenda
Inicio Sala de prensa Noticias Continúa o ciclo de cinema sobre intelixencia artificial vinculado á exposición «AI: More than Human»
Sala de prensa
Continúa o ciclo de cinema sobre intelixencia artificial vinculado á exposición «AI: More than Human»

Continúa o ciclo de cinema sobre intelixencia artificial vinculado á exposición «AI: More than Human»

venres, 23 de setembro de 2022
Cultura

Afundación, a Obra Social de ABANCA, continúa co ciclo de cinema sobre intelixencia artificial vinculado á exposición internacional interactiva «AI: More than Human» que se poderá visitar na Sede Afundación da Coruña ata o vindeiro 5 de febreiro. Está composto por dez películas que expoñen a relación dos seres humanos coa intelixencia artificial desde diferentes perspectivas.

Este ciclo enmárcase no programa «Cultura por alimentos», unha iniciativa da Obra Social de ABANCA en favor de FESBAL. Así, o acceso a cada unha das sesións será a cambio da entrega dalgún alimento non perecedoiro que irá destinado ao banco de alimentos local. É necesario realizar unha reserva previa na web Ataquilla.com.

As fotografías das películas están dispoñibles aquí.

2001: Unha odisea no espazo (Stanley Kubrick, 1968) proxectarase o luns 26 de setembro ás 19.00 h. A película de ciencia-ficción por excelencia da historia do cinema narra os diversos períodos da historia da humanidade, non só do pasado, senón tamén do futuro.

Alien, o oitavo pasaxeiro (Ridley Scott, 1979) poderase ver o 10 de outubro. De regreso á Terra, a nave de carga Nostromo interrompe a súa viaxe e esperta aos seus sete tripulantes. O computador central, NAI, detectou a misteriosa transmisión dunha forma de vida descoñecida, procedente dun planeta próximo aparentemente deshabitado. A nave diríxese entón ao estraño planeta para investigar a orixe da comunicación.

O 24 de outubro proxectarase Blade Runner (Ridley Scott, 1982). A comezos do século XXI, a poderosa Tyrell Corporation creou un robot chamado Nexus 6, un ser virtualmente idéntico ao home pero superior a el en forza e axilidade, ao que se deu o nome de Replicante. Estes robots traballaban como escravos nas colonias exteriores da Terra. Despois da sanguenta rebelión dun equipo de Nexus-6, os Replicantes foron desterrados da Terra. Brigadas especiais de policía, os Blade Runners, tiñan ordes de matar a todos os que non acatasen a condena. Tras un grave incidente, o ex Blade Runner Rick Deckard é chamado de novo ao servizo.

The Matrix (Lilly e La Wachowski, 1999) poderase ver o luns 14 de novembro. Thomas Anderson é un brillante programador dunha respectable compañía de software. Pero fóra do traballo é Neo, un hacker que un día recibe unha misteriosa visita.

The imitation game (Descifrando enigma) (Morten Tyldum, 2014) proxectarase o 28 de novembro. Biopic sobre o matemático británico Alan Turing, famoso por descifrar os códigos secretos nazis contidos na máquina Enigma, o cal determinou o devir da II Guerra Mundial (1939-1945) en favor dos Aliados. Lonxe de ser admirado como un heroe, Turing foi acusado e xulgado pola súa condición de homosexual en 1952.

Metrópolis (Fritz Lang, 1927) poderase ver o 12 de decembro. Obra mestra do cinema e película capital do expresionismo alemán, trátase dunha visión apocalíptica da sociedade do futuro. Ano 2000. Na megalópolis de Metrópolis a sociedade divídese en dúas clases, os ricos que teñen o poder e os medios de produción, rodeados de luxos, espazos amplos e xardíns, e os obreiros, condenados a vivir en condicións dramáticas recluídos nun gueto subterráneo, onde se atopa o corazón industrial da cidade.

A película de animación Wall-E (Andrew Stanton, 2008) proxectarase o 26 de decembro. No ano 2800, nun planeta Terra devastado e sen vida, tras centos de solitarios anos facendo aquilo para o que foi construído -limpar o planeta de lixo- o pequeno robot Wall-E descobre unha nova misión na súa vida cando se atopa cunha moderna e lustrosa robot exploradora chamada EVE.

Her (Spike Jonze, 2013) proxectarase o 9 de xaneiro. Nun futuro próximo, Theodore, un home solitario a piques de divorciarse que traballa nunha empresa como escritor de cartas para terceiras persoas, merca un día un novo sistema operativo baseado no modelo de intelixencia artificial, deseñado para satisfacer todas as necesidades do usuario. Para a súa sorpresa, créase unha relación romántica entre el e Samantha, a voz feminina dese sistema operativo.

Ex Machina (Alex Garland, 2014) poderase ver o 23 de xaneiro. Nathan, un programador multimillonario, selecciona a Caleb, un mozo empregado da súa empresa, para que pase unha semana con el nun lugar remoto nas montañas co obxectivo de que participe nun test no que está involucrada a súa última creación: Ava, un robot-muller no que intelixencia artificial o é todo.

Na última sesión do ciclo, que terá lugar o 30 de xaneiro, poderase ver de novo a A.I. Intelixencia Artificial (Steven Spielberg, 2001) pero en versión orixinal subtitulada ao castelán.

Vídeos

Imaxes

  • Español
  • Coñécenos
  • Educación
    • Centros educativos
    • Área Educativa
    • Premio
  • Cultura
    • Arte
    • Artes Escénicas
    • Premios
    • Publicacións
    • Centros
  • Envellecemento activo
    • Programas Espazos +60
    • Espazos +60
    • +60 Online
  • +Social
    • Voluntariado
    • Programas +Sociais
  • Axenda
  • Centros
  • Colección
  • Sala de prensa
  • Afundación TV
  • Contacto
  • Boletín
  • Servizos
  • Aviso legal e política de privacidade
  • Política de cookies
  • Mapa web
  • Sede Afundación A Coruña

    Cantón Grande, 8. 15003 A Coruña
    socioculturales@afundacion.org
    981 185 060

  • Sede Afundación Vigo

    Policarpo Sanz, 24-26. 36202 Vigo
    socioculturales@afundacion.org
    986 120 078