Os centros de atención a inmigrantes atenden a máis de 300 persoas cada mes
Os centros de atención a inmigrantes da Fundación Novacaixagalicia en colaboración coa Fundación Juan Soñador atenderon case mil persoas só no primeiro trimestre de 2013. As principais inquedanzas dos seus usuarios céntranse en recibir orientación laboral tanto para adquirir a formación necesaria como para a procura activa de emprego, nos cambios que xurdiron a raíz do novo decreto que regula a atención sanitaria, e en cómo está afectando a crise ao colectivo inmigrante.
Nestes espazos aténdese cada día a un número crecente de persoas que, como consecuencia da crise, viron cómo empeorou a súa situación vital nos últimos anos. Así, ante as dificultades cada vez maiores para satisfacer as súas necesidades básicas de vivenda e manutención, aumentaron notablemente o risco de pobreza e exclusión social entre estes colectivos. Estes problemas económicos e laborais xeran á súa vez problemas psicolóxicos derivados da perda de autoestima e a percepción de fracaso nos proxectos migratorios dos afectados.
Formación e orientación laboral
Nos centros de inmigrantes de Vigo, Ourense e A Coruña 49 dos 537 usuarios que recibiron orientación laboral neste primeiro trimestre de 2013, lograron incorporarse ao mercado de traballo tralas xestións realizadas con 84 empresas de diversos sectores e o acceso a 77 ofertas directas de emprego.
As insercións producíronse en ocupacións diversas como a industria madeireira, empacado de pescado, hostalaría, servizo doméstico, axuda a domicilio, reformas, limpeza, gandería ou servizos comerciais. Vendo estes resultados, os responsables destes centros entenden que «tendo en conta a forte crise de emprego que afecta a todos os sectores de actividade económica e a caída nas ofertas de traballo que xestiona o servizo de inserción laboral, os datos reforzan a necesidade de apoiar cada vez máis aos colectivos máis vulnerables facilitando o seu acceso ao emprego».
Ademais do traballo directo para a inserción laboral dos inmigrantes, nestas instalacións se desenvolven programas de formación. 368 persoas participaron, entre xaneiro e marzo, nun total de 24 cursos (800 horas) sobre técnicas de busca de emprego, alfabetización, castelán, informática, habilidades sociais, competencias clave, formación básica de restauración, manipulación de alimentos, técnicas de ventas, limpeza e rozamento de fincas, PRL e camareiro/a de pisos.
Nos tres centros xestionados pola Fundación Novacaixagalicia e la Fundación Juan Soñador, aténdense tamén consultas de ámbito social sobre temáticas diversas nas que 358 persoas foron informadas e orientadas e 92 delas recibiron asesoramento xurídico. Así, neste primeiro trimestre de 2013 destacan especialmente as consultas relacionadas coa asistencia sanitaria, a raíz do Real Decreto 16/2012 y los cambios que ha producido en el procedemento de solicitude de tarxetas sanitarias para seguir recibindo esta atención gratuíta.
A Fundación Novacaixagalicia en colaboración coa Fundación Juan Soñador ofrece con estes servizos un apoio integral ás persoas inmigrantes mediante un aporte económico que permite custodiar ás persoas inmigrantes a través de tres centros de atención a inmigrantes en Vigo, A Coruña e Ourense. Estes espazos ofrecen apoio na área social, formación para a inserción e para o emprego, asistencia xurídica e un servizo de orientación laboral e intermediación con empresas. O obxectivo de todas estas accións é prestar un servizo que apoie aos inmigrantes en situación de vulnerabilidade ou que se estean en risco de pobreza ou exclusión social.
As persoas interesadas en acceder a estes servizos poden dirixirse a:
CAI Teranga Vigo
Dirección: Ronda Don Bosco, 43, baixo. 36202 Vigo
Correo electrónico: terangavigo@fundacionjuans.org
Tel.: 886 116 485
CAI Teranga Ourense
Dirección: Rúa Pena Trevinca, 8, baixo. 32005 Ourense
Correo electrónico: terangaou@fundacionjuans.org
Tel: 988 511 673 / 636 964 509
CAI Teranga A Coruña
Dirección: Praza María Auxiliadora, 7, 15003 A Coruña
Correo electrónico: terangacoruna@fundacionjuans.org
Tel: 981 102 978