A 12 días do peche do prazo para o Premio Internacional Afundación de Periodismo Julio Camba, presentáronse 137 textos
O número de candidaturas recibidas pola Obra Social de ABANCA para o Premio Internacional Afundación de Periodismo Julio Camba suma xa os traballos de 137 profesionais do xornalismo e a literatura. A falta de 12 días para o peche da recepción de artigos para a cuadraxésima sexta convocatoria dos galardóns, xornalistas de 15 países diferentes xa enviaron as súas propostas.
O Premio Internacional Afundación de Periodismo Julio Camba está dotado cun total de 14.000 € en premios. A autora ou autor do texto gañador recibirá 10.000 €; ademais, haberá dous segundos premios de 2.000 € para as dúas persoas que resulten finalistas. Os textos participantes deben ser publicados o 1 de setembro de 2024 e o 31 de agosto de 2025.
O formulario en liña para a presentación de artigos está no sitio web da Obra Social de ABANCA, onde ademais poden consultarse as bases da convocatoria.
Un premio cunha gran historia
O galardón recoñece a excelencia de artigos de opinión e de contido literario, alcanza este ano a súa cuadraxésima sexta edición. Por traxectoria e dotación, é un dos máis importantes do ámbito do xornalismo en español.
Desde que o xornalista Gonzalo Fernández da Amora gañou a súa primeira edición, en 1980 e cun xurado entón presidido polo escritor Gonzalo Torrente Ballester, mereceron o galardón artigos de xornalistas coma Luciano del Río Besada, Carlos García Bayón, Alfredo Conde, Bernardo Víctor Carande, Antonio Odriozola, Raimundo García Fernández, Adolfo Prego, José Montero Alonso, Rafael Landín Carrasco, Julio Sierra, Xesús Ferro Ruibal, Arturo Lezcano Fernández, Santiago Castelo, Torcuato Luca de Tena, Carlos Casares, Miguel Ángel Cuadrado, Juan Manuel de Prada Blanco, Diego Bernal López, Alfonso Eire López, César Casal González, Miguel Suárez Abel, Manuel Rivas Barros, Manuel Jabois, Marino Gómez Santos, Eugenio Fuente, Fernando Savater, Felipe Benítez Reyes, Andrés Trapiello, Pedro Ugarte Tamayo, Ángela Vallvey Arévalo, Ramón Pernas López, José Manuel Otero Lastres, Ángeles Caso, Luis Ventoso, Ignacio Camacho, Ramón Loureiro Calvo, Miguel Anxo Murado, Ricardo Fernández Colmenero, Cristina Sánchez Andrade, Luis Pousa, Bibiana Candia, Manuel de Lorenzo Paradela, María Sánchez y Alberto Olmos.
Imágenes disponibles en este enlace.