IESIDE. Escuela de negocios

En Afundación cremos que ter coñecementos básicos de educación financeira é imprescindible para entender moitas das situacións que xorden no día a día, por iso, en colaboración con RSC ABANCA, deseñamos actividades para ensinar a distintos grupos de idade a importancia dunha xestión adecuada do diñeiro.

Se desexas información ou solicitar unha acción formativa, cubre o noso formulario.

Grand Prix Financeiro

En colaboración con RSC ABANCA deseñamos este plan didáctico para nenas e nenos de 4 a 9 anos en que, a través da recreación de situacións cotiás, se difunden valores coma a responsabilidade e a solidariedade, e se sentan as bases para aprender a tomar pequenas decisións económicas.

Xornadas e conferencias para xente nova

Achegamos a educación financeira ao estudantado de bacharelato a través dun ciclo de charlas sobre economía básica. A evolución económica coa crise, a situación actual dos mercados ou a responsabilidade na xestión do diñeiro son algúns dos temas.

Finanzas sénior

Formación impartida por antigos empregados de ABANCA co obxectivo de proporcionar ás persoas maiores ferramentas para mellorar a comprensión dos conceptos e produtos financeiros.