María Cadaval Sampedro
Nada en Riveira en 1977. Profesora titular na Facultade de CC. Económicas USC. Doutora en Economía con Mención Europea. Premio extraordinario de doutoramento. Mestrado en Administración Financeira e Tributaria.
TRAXECTORIA PROFESIONAL
Profesora de Economía Aplicada na Universidade de Santiago de Compostela, área de Facenda Pública. Especialista en Federalismo fiscal, Descentralización e Facenda autonómica e local. Directora da Cátedra Iberoamericana. Membro do Foro Económico de Galicia e do grupo de traballo Galicia 2040. Pertence á Rede de Investigadores en Financiamento Autonómico e Descentralización Financeira en España (RIFDE), á Rede Local de administración pública, Localis e ao Observatorio Internacional da Regulación das Entidades do Sector Público (OIRESP). É parte da Cros-Research in Environmental Technologies (CRETUS) para o desenvolvemento das tecnoloxías ambientais sustentables.
No ámbito da xestión universitaria foi adxunta ao Vicerreitorado de Estudantes, Cultura e Responsabilidade Social Corporativa, con funcións na coordinación da área do Servizo Universitario de Residencias e de Responsabilidade Social Corporativa da USC. Coordinadora de ERASMUS para Noruega, Alemaña, Portugal e do programa de Intercambio Bilateral entre a USC-América Latina.
Membro do consello de redacción de varias revistas especializadas. Foi co-editora da revista e-Gesta en Brasil e assistant editor da Urban Public Economics Review. Colabora con institucións internacionais coma o BID, a CEPAL, etc.
No ámbito da divulgación participa en diferentes medios de comunicación -Radio, prensa escrita e televisión- para a difusión da actividade académica e científica. Coordina o blogue de financiamento público no xornal económico Expansión.
