Teatro: A galiña azul. Escolares 2018-2019

Baseada no libro infantil de Carlos Casares, Tanxarina chega aos auditorios con esta obriña galardoada con importantes premios.

 

Esta programación está dirixida exclusivamente a centros escolares.

 

Teatro de monicreques e actor

Tanxarina
Galego / 60 min 

1º e 2º Educación Primaria 

 

Gañadora do Premio María Casares ao Mellor Espectáculo Infantil 2018 e Premio FETEN a Mellor espectáculo de monicreques 2018, A Galiña Azul é un espectáculo que fala da diversidade e da solidariedade, que emprega diversas técnicas de manipulación de bonecos, traballo interpretativo, música e cancións. «Lourenzo ten unha galiña azul con cinco plumas vermellas na á dereita. Unha galiña moi bonita e moi rara. Pon ovos de cores! Ademais non di “cacaracá” coma as outras galiñas, senón que di “cocorocó”. E isto ten preocupadas as autoridades».

 

NORMAS PARA INSCRIBIRSE

• A solicitude farase a través do formulario de peticións na web: www.escolares.afundacion.org
• Prazo de reservas ata o 1 de outubro 2018
• Solicitarase praza para un máximo de 150 escolares por centro e actividade (100 para
A Coruña e Ferrol por cuestión de capacidade dos edificios.)
• Prezo: 2 € / escolar. [Cinema Submarino e Educación Financeira son actividades
GRATUÍTAS]. O importe total ingresarase no número de conta ES 91 2080 5000 61
3040323643, indicando o código de ingreso, que comunicaremos previamente desde
Afundación canda a asignación de actividades. O prazo límite para o pagamento é de
1 semana antes de comezar a actividade.
• Desde Afundación enviarase correo-e ao centro para informar da asignación de actividades.
Así mesmo, cada centro deberá confirmar esta asignación a través da web.
• Hai guías didácticas dispoñibles para consultar e descargar na web.

 

Para máis información, 986 120 089 e 986 120 078 ou en www.escolares.afundacion.org