Visita guiada: Do románico ao expresionismo galego - Espazo +60

O mércores 25 de marzo propoñémosche unha saída cultural á Cidade da Cultura do Gaiás.

Pola mañá visitaremos unha exposición dedicada ao escultor galego Francisco Asorey. O grupo dividirase en dúas quendas: unha ás 11:00 h e outra ás 11:45 h.

A exposición reúne unha selección das obras máis importantes do artista e inclúe esculturas, escaiolas, debuxos, audiovisuais, documentos de época e ferramentas de traballo, ademais de cerámicas que contribuíron a popularizar algunhas das súas obras máis emblemáticas. O obxectivo é contextualizar e dar a coñecer da forma máis completa posible a relevancia artística e histórica de Asorey.

Pola tarde, ás 15:30 h, realizaremos unha visita guiada polas cubertas da Catedral de Santiago de Compostela. Durante o percorrido subirase polos interiores dunha das torres, ascendendo aproximadamente 140 chanzos, para despois percorrer as características cubertas escalonadas da catedral e gozar dunha perspectiva única do conxunto monumental e da cidade.

Prezo: 60 € por persoa
(O prezo inclúe visita, transporte e comida).

Inscricións ata o 12 de marzo:

• No Espazo +60, no teléfono 988 23 63 03

• Ou a través do formulario en liña