Visita guiada á exposición interactiva Ítaca: rumbo cara á educación financeira - Espazo +60 Santiago

A exposición interactiva Ítaca: rumbo cara á educación financeira propón unha experiencia inmersiva e sensorial que transforma a aprendizaxe económica nunha aventura inspirada na Odisea de Homero.

A través de metáforas mitolóxicas e personaxes clásicos, as persoas visitantes coñecerán os retos financeiros cotiáns, como o consumo impulsivo, a falta de aforro ou a toma de decisións de investimento.

Todo isto nun percorrido deseñado para espertar a curiosidade, fomentar a reflexión e reforzar competencias clave para a vida diaria.

A visita guiada permitirá afondar nos contidos da exposición e vivir unha experiencia compartida e enriquecedora.

Mércores 29 de abril de 2026 de 19:00 a 20:00 h no Centro Obra Social ABANCA, Praza de Cervantes, Santiago

Actividade gratuíta.
Inscrición necesaria do 13 ao 27 de abril no Espazo +60 Santiago.