Visita cultural ó Mosteiro de Oseira - Espazo +60 Ourense

Este febreiro o Espazo +60 de Ourense propón unha experiencia diferente e moi curiosa.

Comezamos cunha visita ao impresionate Monasterio de Santa María la Real de Oseira, fundado no século XII e considerado unha das obras mestras da arquitectura románica e barroca de Galicia, coas súas naves sostidas por bóvedas, a emblemática “sala das palmeiras” e un legado histórico que o levou a ser chamado “o Escorial de Galicia” pola súa magnitude e importancia.

A continuación visitaremos o obrador de pan Aboamigalla, un espazo no que se combinan os saberes ancestrais e tradicionais na elaboración do pan coa innovación tecnolóxica, garantindo un impacto mínimo no medio ambiente e poñendo en valor a tradición. Alí poderás participar nun taller práctico para elaborar o teu propio pan.

Prezo: 30 €/persoa 

Horario: 9.30h. Partimos da parada de autobús, detrás da subdelegación de Goberno, xunto a oficina de Abanca (R/Xoan XXIII). Retorno sobre as 14h.

Inscripción: no Espazo +60 no 988 23 63 03 ou no formulario.