Axenda

Viaxe ó Norte de Italia, Espazos +60

Viaxe ó Norte de Italia, Espazos +60

Descubre o Norte de Italia, onde lagos soñados, cidades elegantes e paisaxes alpinas únense para crear unha viaxe chea de historia e beleza.

10 de abril – Recollida nos diferentes centros Afundación. Traslado ao aeroporto da Coruña e trámites de facturación. Chegada a Milán, encontro coa guía e traslado ao centro para o almorzo.

Pola tarde, panorámica de Milán coa visita á catedral e paseo pola Galleria Vittorio Emanuele II, galería histórica comercial do século XIX. Saída cara a Como.

Chegada ao hotel, check-in, cea e aloxamento.

11 de abril – Almorzo buffet no hotel. Excursión de día completo para coñecer os lagos italianos con guía local. Saída cara a Como, visita panorámica da cidade, a súa catedral gótica (entrada incluída), paseo marítimo e goce do extraordinario Lago de Como.

Almorzo en restaurante e saída cara a Stresa para visita panorámica. Disfrutaremos do cambio de paisaxe ao longo da costa, localidade frecuentada por artistas e escritores, como Hemingway, fronte ás tres Illas Borromeas. Rodeada polos Alpes piamontinos, cautivou no século XIX á alta burguesía e empresarios de Italia, que construíron vilas refinadas e paseos en estilo liberty. Paseo por Stresa antes de embarcar nas Illas Borromeas (entrada incluída – Tour 2 illas: Isola Bella e Isola Pescatori, con tour panorámico da Isola Madre). Navegación con parada en Isola Bella para visitar o Palazzo Borromeo (entrada incluída). Continuación ata Isola Pescatori para paseo polas súas animadas rúas con bares, terrazas e tendas. Navegación bordeando Isola Madre para gozar do xardín botánico desde o mar (sen parada). Regreso ao embarcadoiro de inicio.

Durante toda a excursión haberá paradas para fotos e baños.

Regreso ao hotel. Cea e aloxamento.

12 de abril – Almorzo. Continuación cara á costa sur do Lago de Garda ata Sirmione, famosa polas súas augas termais e o castelo Rocca Scaligera, situado nunha península que une o casco histórico con terra firme. Navegación relaxante polo lago para admirar as vistas. Continuación cara a Verona, cidade inmortalizada por Shakespeare en “Romeo e Xulieta”.

Almorzo incluído. Visita panorámica polos lugares máis emblemáticos: ponte de Castelvecchio, Arco do Triunfo romano, Anfiteatro da Arena (entrada incluída) e casa de Xulieta (vista exterior). Saída cara ao hotel na rexión do Véneto.

Cea e aloxamento.

13 de abril – Almorzo e saída cara a Venecia. Entrada na cidade cun paseo panorámico en barco, vendo a igrexa de Santa Maria della Salute, a illa de San Giorgio Maggiore e a Aduana. Continuación da visita panorámica pola praza de San Marcos e visita a unha fábrica de cristal de Murano.

Almorzo. Pola tarde, romántico paseo en góndola polos canais venecianos con música que inspirou poetas e enamorados durante séculos. Tempo libre para explorar a cidade. Á tarde, vaporetto ata Tronchetto e regreso en autobús ao hotel na rexión do Véneto.

Cea especial de despedida na zona de canais e aloxamento.

14 de abril – Almorzo e traslado ao aeroporto para voo de regreso á Coruña, vía Madrid. Recollida de equipaxe e traslado aos centros Afundación. Fin dos servizos.

Hoteis:
Rexión dos Lagos – Hotel Como 4*
Rexión do Véneto – Hotel Belstay Marghera 4*

Prezos (grupo de 45 persoas):

  • Habitación dobre socio ABANCA: 2.040 €
  • Habitación dobre socio: 2.224 €
  • Suplemento habitación individual: 190 €

Esta viaxe organizada por Halcón Viaxes inclúe:

  • Voos de liña regular con Iberia, escala en Madrid.

10/04 A Coruña - Madrid - Milán 06.30-07.50/08.50-11.00

14/04 Venecia – Madrid – A Coruña 12.00-14.40/15.45-17.05

  • 1 maleta facturada de 22 kg e 1 de man 8 kg por persoa
  • 2 noites en Hotel Como 4* ou similar; 2 noites en Hotel Belstay Marghera 4* ou similar.
  • Total 4 almorzos e 4 ceas con bebidas incluídas (auga, viño ou refrescos).
  • Cea especial de despedida.
  • Guía acompañante exclusivo durante todo o percorrido.
  • Bus exclusivo para o grupo.
  • Panoramica de Milán con guía oficial, visitando a Catedral e Galería
  • Panorámica de Como e Stresa con guía local.
  • Entrada á Catedral de Como e Palazzo Borromeo en Isola Bella.
  • Excursión en barco ás Illas Borromeas e Lago de Garda.
  • Panorámica de Verona e entrada ao Anfiteatro da Arena.
  • Crucero pola laguna de entrada a Venecia e paseo en góndola.
  • Auriculares individuais para as visitas.
  • Seguro de viaxe e cancelación (30 € non reembolsables en caso de cancelación).
  • 2 acompañantes de Afundación.
  • Taxas de aloxamento incluídas.

Prazos de pago:

  • No momento da reserva: 1.000 €/persoa +  seguro de libre desestimento SÓ se o contratou (187 €)
  • 10 de marzo:
    • SOCIOS ABANCA 1.040 €/persoa (+190 € suplemento individual se aplica)
    • SOCIOS 1.244 €/persoa (+190 € suplemento individual se aplica)

Condicións de cancelación:

  • Ata 09/03: 50% do total
  • Do 10/03 ao día de saída: 100% do total

PROCEDEMENTO DE INSCRICIÓN

A solicitude de inscrición será efectiva unha vez cuberto o formulario en liña, desde o 19 de febreiro ás 10.00 h ata cubrir prazas. Recibirá un correo de confirmación da solicitude. Se non o recibe, contacte no 698 197 990.

Confirmarémoslle a praza cun segundo correo electrónico, momento no que deberá realizar o primeiro pagamento. As prazas do autobús adxudicaranse por rigorosa orde de inscrición.

Se aínda non é socio e quere viaxar connosco, pode achegarse a un Espazo +60 ou solicitar cita.

(*) Condicións completas no seu Espazo +60 Afundación ou en Halcón Viajes (Federico Tapia, 10 - 15005 - A CORUÑA; 981228609 / 607886018 / 607615958).