Axenda

Viaxe a Córcega e Cerdeña, Espazos +60

Viaxe a Córcega e Cerdeña, Espazos +60

Embárcate nunha viaxe entre Córcega e Cerdeña, dúas illas mediterráneas onde a natureza salvaxe, as vilas con encanto e os mares turquesa crean un paraíso que namora á primeira vista.

4 de setembro – Recollida nos diferentes centros de Afundación. Traslado ao aeroporto de Santiago de Compostela. Trámites de facturación. Voo con destino Barcelona para coller o voo con destino Olbia. Chegada e traslado ao hotel, cea no hotel e aloxamento.

5 de setembro (25 km de traslados) – Almorzo no hotel e saída para descubrir a Costa Esmeralda. Fundada nos anos 60 polo Príncipe Karim Aga Khan, é o lugar máis exclusivo e preferido polos VIP. Visita á localidade de Porto Cervo, famosa por contar cun dos portos máis exclusivos de Europa. A continuación, visita a San Pantaleo, característico pobo sardo, tamén coñecido como a vila dos artistas.

Regreso ao hotel para o xantar. Tempo libre pola tarde.
Cea e aloxamento.

6 de setembro (70 km de traslados) – Almorzo no hotel. Saída cara ao porto de Santa Teresa di Gallura. Traslado en ferry a Córcega e chegada ao porto de Bonifacio. A cidade érguese maxestosa sobre un promontorio que domina o mar. Tras visitar a parte baixa da cidade, traxecto en tren turístico á parte alta da cidade medieval, onde se poderá admirar a famosa Escaleira Aragonesa, escavada na rocha, as antigas fortificacións, as pintorescas igrexas, o antigo cuartel da Lexión Estranxeira e o monumento dedicado.

Xantar en restaurante e tempo libre antes da saída.

Chegada ao porto de Santa Teresa e regreso ao hotel.
Cea e aloxamento.

7 de setembro – Almorzo no hotel. Saída para visitar a Illa da Magdalena. Oficialmente coñecida como Parque Nacional do Arquipélago da Magdalena, é un paraíso protexido que alberga fermosas praias virxes de area branca, mar azul turquesa e rochas escarpadas.

Xantar no hotel. Tempo libre para gozar das instalacións do hotel.
Cea no hotel e aloxamento.

8 de setembro (154 km de traslados) – Almorzo no hotel. Saída cara ao auténtico corazón de Cerdeña, Barbagia, onde tamén se atopa a cordilleira máis alta da illa, o Gennargentu. Visita ao Museo das Máscaras en Mamoiada, onde poderemos admirar obxectos vencellados ás antigas costumes da illa, que aínda hoxe seguen vivas entre os habitantes durante o Entroido. Saída cara a Orgosolo, un lugar moi especial grazas aos seus famosos murais que cobren as paredes das casas, coñecendo a interesante historia ligada a eles.

Xantar típico cos pastores a base de produtos tradicionais de Cerdeña e pequena mostra do folclore insular.

Traslado ao hotel, cea e aloxamento.

9 de setembro (50 km de traslados) – Almorzo no hotel. Visita guiada da cidade de Alghero, con marcados acentos españois (Catedral de Santa María, Palacio Guillot e Igrexa de San Francisco, templo do século XIV). A continuación, cata de viños.

Regreso ao hotel para o xantar, tarde libre, cea e aloxamento.

10 de setembro (80 km de traslados) – Almorzo no hotel. Visita a Castelsardo, considerado un dos pobos máis fermosos de Cerdeña e de Italia. O pobo sitúase nun cantil fronte ao mar e desenvólvese aos pés do castelo, intacto desde hai máis de 1.000 anos. Fundado en 1270 pola familia xenovesa Doria, foi conquistado polos españois no 1400 e bautizado como Castello Aragonese, pertencendo durante uns 300 anos ao Reino de España. En 1720 pasou á Casa de Savoia e finalmente converteuse en Castelsardo.

Regreso ao hotel para o xantar, tarde libre, cea e aloxamento.

11 de setembro – Almorzo no hotel e traslado á hora acordada ao aeroporto para tomar o voo con destino Santiago de Compostela, vía Madrid. Recollida de equipaxes e traslado aos diferentes centros de Afundación.

Fin dos servizos.

Hotel:

Hotel Mangia’s Sardinia Resort 5*

Prezo (baseado nun grupo de 45 persoas de pago):

  • Prezo en habitación dobre socio ABANCA – 2.899 €
  • Prezo en habitación dobre socio – 3.189 €
  • Suplemento habitación individual – 700 €

Esta viaxe organizada por Halcón Viaxes inclúe:

  • Voos desde Santiago de Compostela vía Barcelona con Vueling

04/09 SANTIAGO 06:35 – BARCELONA 08:15 / 13:50 – 15:20 OLBIA
11/09 OLBIA 16:15 – BARCELONA 17:50 / 21:15 – 23:05 SANTIAGO

  • Traslados aeroporto – hotel – aeroporto
  • 1 maleta facturada de 24 kg e 1 de man situada debaixo do asento por persoa
  • 7 noites de aloxamento no hotel Mangia’s Sardinia Resort 5*
  • Autocar con aire acondicionado durante todo o circuíto
  • Réxime de pensión completa desde a cea do primeiro día ata o almorzo do último
  • Guía oficial en todas as visitas
  • Asistencia en destino
  • Excursión de medio día á Costa Esmeralda con visitas a Porto Cervo e San Pantaleo
  • Excursión de día completo a Bonifacio (billete de ferry incluído)
  • Excursión de medio día a Castelsardo
  • Excursión de día completo a Orgosolo e Mamoiada con xantar típico cos pastores e entrada ao Museo das Máscaras
  • Excursión de medio día a Alghero con cata de viño
  • Excursión á Illa da Magdalena
  • Tren turístico en Bonifacio
  • Guía acompañante en destino de fala hispana durante todo o circuíto
  • Guía acompañante da axencia
  • Taxas turísticas
  • Seguro de viaxe e cancelación (30 € non reembolsables en caso de cancelación)
  • 2 acompañantes de Afundación

Prazos de pagamento:

  • No momento da reserva: 870 € / persoa + 187 € seguro de libre desestimento SO se o contratou
  • 04/05: 1.160 € / persoa
  • 04/07:
    • SOCIOS ABANCA: 869 € / persoa (+700 € suplemento individual, se procede)
    • SOCIOS: 1.159 € / persoa (+700 € suplemento individual, se procede)

Condicións de cancelación:

  • Desde a reserva ata o 02/05: 30 % do total
  • Do 03/05 ao 03/07: 70 % do total
  • Do 04/07 ao día da saída: 100 % do total

PROCEDEMENTO DE INSCRICIÓN

A solicitude de inscrición será efectiva unha vez cuberto o formulario en liña, desde o 19 de febreiro ás 10.00 h ata cubrir prazas. Recibirá un correo de confirmación da solicitude. Se non o recibe, contacte no 698 197 990.

Confirmarémoslle a praza cun segundo correo electrónico, momento no que deberá realizar o primeiro pagamento. As prazas do autobús adxudicaranse por rigorosa orde de inscrición.

Se aínda non é socio e quere viaxar connosco, pode achegarse a un Espazo +60 ou solicitar cita.

(*) Condicións completas no seu Espazo +60 Afundación ou en Halcón Viajes (Federico Tapia, 10 - 15005 - A CORUÑA; 981228609 / 607886018 / 607615958).