Tenda solidaria a favor da Cociña Económica de Ferrol, Espazo +60 Ferrol

O luns 21 de decembro ás 11.00 horas as voluntarias do taller solidario do Espazo +60 de Ferrol farán entrega a Antonio Tostado, presidente da Cociña Económica de Ferrol, dos 1.800€ recadados pola venta das labores (cestas, bolsos, carteiras, pulseiras, manteis, roupa de bebé, colares...) realizadas durante o confinamento.

Esta actividade ten como finalidade promover a creatividade e a imaxinación ao tempo que fomenta a solidariedade e a cooperación entre os participantes. Está enmarcada dentro do programa "O valor da experiencia" da área de Envellecemento Activo, que ten como obxectivo potenciar o papel activo das persoas maiores na sociedade e o desenvolvemento de actividades de voluntariado.