Tempada de Abonos de Teatro en Vigo xaneiro - xuño 2026

A Tempada de Abonos de Teatro en Vigo regresa para o primeiro semestre de 2026. Iniciamos o ano cunha programación escénica de primeiro nivel que traerá ás táboas do Teatro Afundación Vigo as producións máis destacadas do panorama actual.

Grandes historias e repartos de excepción agárdante nesta nova tempada que abrangue desde xaneiro ata xuño de 2026. Velaquí toda a información para adquirires o teu abono e asegurares a túa butaca.

RENOVACIÓN DE ABONOS Se te abonaches á última tempada, podes renovar o teu abono e conservar as túas butacas de xeito online ou presencial:

• Online: A través da ligazón que recibirás no teu correo-e, do 8 ao 17 de decembro.

• Na billeteira: No Teatro Afundación Vigo (Rúa Marqués de Valladares, s/n), exclusivamente o día 18 de decembro, en horario de 11.00 a 14.00 e de 17.00 a 20.00 h.

VENDA XERAL DE ABONOS Dispoñible para novos abonados de forma online en www.ataquilla.com do 19 de decembro ao 11 de xaneiro.

VENDA DE ENTRADAS SOLTAS Á venda de forma online en www.ataquilla.com ou fisicamente na Sede Afundación Vigo (Policarpo Sanz, 26), a partir do 12 de xaneiro.

Tes máis información no teléfono 986 12 00 78.

AXENDA DE OBRAS

• LOS LUNES AL SOL | xov, 29 de xaneiro

• YO SOLO QUIERO IRME A FRANCIA | xov, 12 de febreiro

• LA MÚSICA | xov, 12 de marzo

• LA MUJER ROTA | dom, 22 de marzo

• MEJOR NO DECIRLO | xov, 16 de abril

• QUERIDA AGATHA CHRISTIE | xov, 7 de maio

• INMADUROS | xov, 11 de xuño

CULTURA POR ALIMENTOS Esta tempada formamos parte do programa solidario #CulturaPorAlimentos. Convidámoste a colaborar traendo produtos non perecedoiros ás funcións, que poderás depositar na entrada do teatro para a súa doazón aos bancos de alimentos locais. A túa ilusión compartida móvenos!