El contador del amor. Vigo

O 15  de maio o Teatro Afundación de Vigo continúa a Tempada de Teatro 2017 con El contador del amor, de Erik Assous, a historia dunha vinganza amorosa deseñada, milímetro a milímetro, coa entrega e dedicación dunha obra mestra.

Entradas á venda en ataquilla.com

  

DIRECCIÓN: César Lucendo

ADAPTACIÓN: Julián Quintanilla

ELENCO: David Mora, Natalia Sprenger e Antonio Zabálburu

DURACIÓN: 1 h 30 min

NRM 18 anos

 

El contador del amor é a historia da vinganza amorosa máis orixinal xamais contada. Un plan trazado con exquisita intelixencia por unha brillante muller, Diana, a quen o seu home confesa serlle infiel. Unha vendetta conxugal deseñada, milímetro a milímetro, non para destruír o amor, senón para alongarlle a vida. 

Co instinto dunha amazona ferinte, pero tamén dunha elegante aristócrata, a nosa Diana cazadora poñerá en marcha todas as súas armas de muller, non só para recuperar a dignidade que cre ter perdido, senón tamén para saír airosa dun combate, do que se cre, desde o principio, insigne gañadora. 

Diana e Agustín farán, diante de nós, o amor e a guerra. Seremos cómplices e espectadores dunha loita fría, onde as bombas estarán bañadas en ironía e os tanques serán frases cargadas dese humor que doe, pero que tamén cura. Os personaxes poñeranse ao límite para tentar poñer a cero o fráxil contador da súa danada relación. E mostrarannos, unha vez máis, que manter viva a chama do amor é, quizais, a única batalla que merece ser gañada.