Teatro: Juntos. Vigo
O 8 de novembro chega Juntos ao Teatro Afundación de Vigo, unha divertida comedia onde se cuestiona que é a "normalidade" e se afonda nese particular mundo que chamamos "familia". Nova obra de Fabio Marra na Tempada de Abonos de Teatro Afundación 2018.
Isabel vive, ou mellor dito, sobrevive, nun modesto piso xunto ao seu fillo Miguel, un mozo discapacitado, impulsivo e xeneroso. A inesperada visita da súa filla menor, Sandra, executiva de éxito e ausente desde hai máis de dez anos, fará que as complexas relacións familiares se poñan patas arriba, encadeando unha sucesión de inesperados e sorprendentes acontecementos rebosantes de tenrura, algunha que outra débeda pendente e moito, moito humor.
Juntos aborda con mestría un tema candente: existe a normalidade? Que significa ser normal? Estamos preparados para aceptar o diferente? Fabio Marra, o seu autor, mestura risas e sentimentos nunha fabulosa comedia que foi candidata en Francia a varios Premios Moliere 2017, a Mellor Comedia, Mellor Texto, alzándose co galardón de Mellor Actriz Protagonista.
Que é a normalidade? Juntos aborda este apaixonante tema a través da historia de Isabel e os seus fillos: Miguel e Sandra. Isabela nunca aceptou que o seu fillo sexa diferente dos demais, e Miguel converteuse na súa única razón de vivir. Mais que acontece coa vida de Miguel? E Sandra, que tipo de irmá é? Que acontece actualmente cando un membro da nosa familia depende de nós? Existen vidas que non merecen a pena ser vividas? En tal caso, quen decidiría cal merece a pena e cal non? Antes o sacrifico viña recompensado moralmente, actualmente os valores cambiaron, e o máis valorado é o éxito persoal. Así que moitas persoas non se adaptan ao noso novo xeito de funcionar. Por que cada vez facemos menos cousas xuntos? A nosa sociedade empúrranos a sermos os mellores, a pensar primeiro en nós mesmos, e despois, quizais, só quizais, nos demais. Mais a vida constrúese a través do intercambio cos outros, a través dos momentos que vivimos xuntos...
EQUIPO ARTÍSTICO E TÉCNICO:
Autor: Fabio Marra
Dirección: Juan Carlos Rubio
Produción: Txalo Producciones
ELENCO:
Kiti Manver
Melani Olivares
Gorka Otxoa
Inés Sánchez
DURACIÓN: 1 h 30 min
IDADES: A partir de 12 anos