Teatro familiar: «Gallaecia, gallaeciños». Santiago de Compostela

«Gallaecia, gallaeciños» é un espectáculo músico teatral para público infantil e familiar a partir de 4 anos. Trátase dun divertido percorrido pola historia do jazz con algún dos seus intérpretes máis coñecidos e estilos máis célebres coma: Scott Joplin, Duke Ellington, Charlie Parker ou Miles Davis con Rag-Time, Blues, Swing, Be-Bop, Funky e Soul. Goza deste concerto no Auditorio ABANCA de Santiago de Compostela o domingo 5 de maio, con motivo do proxecto cultural Sonoro empeño, unha proposta que combina música e pintura a través de múltiples actividades coma concertos, obradoiros infantís, performance poéticas ou a mostra «Sonoro empeño. A música nas coleccións ABANCA e Afundación», eixe do programa. 

 

Coñece aquí a programación do proxecto cultural Sonoro empeño, un compendio de actividades dirixidas a todas as idades que combina pintura, música, poesía, cociña e outras sorpresas. 

 

Duración 60 minutos.

 

Prezo: 5 €

Colle as túas entradas en Ataquilla.com

 

SONORO EMPEÑO

Arte e música danse a man na capital galega, e transforman o Centro Obra Social ABANCA de Santiago de Compostela nun potente, dinámico e sonoro altofalante. 

O proxecto cultural SONORO EMPEÑO ofrece un compendio de actividades anovadoras e orixinais, con eixe na mostra homónima que conta con algunhas das obras máis destacadas da Colección de Arte Afundación e ABANCA. Un universo de experiencias orientado a diferentes públicos e deseñado para gozar coa música en moitas das súas variantes, e do diálogo desta con outros conceptos coma a pintura, poesía, escultura, cinema, tecnoloxía, cociña ou ciencia. En conxunto, unha oferta encamiñada a xerar unha experiencia musical, sinestésica e inesquecible. A partir do 25 de marzo.

Coñece aquí toda a programación!