«Léoche no Centro», no Centro de Maiores de Monforte

O Centro de Maiores Afundación de Monforte está buscando entre as súas persoas asociadas, amantes da lectura para ler contos, relatos sobre historias da localidade, novelas... a outras persoas socias con problemas visuais ou para aquelas ás que lles gusta desfrutar da lectura en grupo.

 

Con esta iniciativa preténdese poder seguir gozando da afección pola lectura, ademais de mellorar a autoestima e manter a mente activa. 

 

Se contamos cun grupo de voluntari@s, a actividade comezará a mediados de novembro coa lectura de «O Principiño», obra mestra de Antoine de Saint-Exupéry, realizándose un encontro semanal de hora e media/dúas horas, dependendo da novela ou relato.