Obradoiro de cerámica - Espazo +60 Monforte
Dentro da programación do Espazo +60 de Monforte, no ano 2026 queremos poñer en marcha por primeira vez un Obradoiro de cerámica. O modelado é un dos métodos básicos máis antigos que se coñecen para a produción de esculturas, relevos, vasillas e outros utensilios necesarios na sociedade. A través da arxila, un material brando e maleable pola súa plasticidade, realizarase un proceso aditivo no que se constrúen e configuran as pezas.
O alumnado realizará libremente os seus traballos empregando as seguintes técnicas:
- Modelado a beliscos
- Modelado a churro
- Modelado a pranchas
- Escultura
- Relevo
En canto ás formas de decoración, traballaranse:
- Brunido
- Engobes
- Esmaltado
A ceramista valenciana Amparo Escrich Albentosa será a encargada de dirixir o obradoiro.