ÍTACA. Espazo interactivo de Educación financeira en A Coruña

Convidámoste a vivir ÍTACA, un espazo interactivo que une educación financeira e mitoloxía grega, inspirado na viaxe de Ulises. A través dun percorrido interactivo, enfrontaraste a desafíos cotiáns coa axuda de personaxes virtuais, efectos visuais e intelixencia artificial. Terás a oportunidade de afrontar situacións reais coma o impacto das emocións nas decisións económicas, os riscos financeiros e a ciberseguridade para protexer os teus cartos ou a información imprescindible para tomar decisións financeiras intelixentes. Isto non é unha exposición teórica. É unha experiencia práctica, divertida e útil para transformares a túa relación cos cartos e gañares seguridade no teu día a día. Agardámoste na Sala -1 da Sede Afundación A Coruña, ata o 10 de xaneiro de 2026.

 

VISITA GUIADA INAUGURAL 

6 OUT | 19.00 h

COMPLETA

 

Accede cun alimento non perecedoiro e colabora cos bancos de alimentos locais. ¿Coñeces o noso programa CULTURA POR ALIMENTOS?

 

VISITAS

 

DIDÁCTICA

Infantil a 3º Primaria | «Viaxe ao centro do aforro»
Un mercado divertido para entender que son os prezos.

4º Primaria a 2º ESO | «Mates aplicadas, aforros e mitoloxía, quen dá máis?»

As matemáticas ao servizo do aforro para chegar a Ítaca coa carteira intacta.

3º ESO a Bacharelato, Ciclos Formativos | «Ítaca»

A Odisea como metáfora dos altos e baixos financeiros.

Reservas e información: areaeducativacoruna@afundacion.org | 981 185 060

Actividade de balde

 

Esta actividade conta coa colaboración de FUNCAS.

 

Aproveita para visitares a axenda web e decátate de todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para te informares sobre outras actividades escénicas.