Obradoiros infantís: Sábados Musicais. Santiago de Compostela

Todos os sábados de abril a rapazada da casa ten unha cita no Centro Obra Social ABANCA de Santiago de Compostela cos Sábados Musicais. Unha entretida proposta, a raíz do proxecto cultural Sonoro Empeño, en que nenas e nenos de 4 a 9 anos xogarán creando instrumentos reciclados. 

 

Infórmate aquí sobre el programa Sonoro Empeño.

 

OBRADOIROS

6 de abril. Os fíos prodixiosos da música

Audición e visionado de obras relacionadas cos instrumentos de corda. Coñeceremos curiosos instrumentos que nunca imaxinaramos e, no obradoiro, fabricaremos o noso propio: unha caixa de son con corda tensada. 

13 de abril. Bater con sentido tamén é música

O segundo obradoiro da nosa ruta é o máis ruidoso. Bater, petar con sentido, será o noso obxectivo. Os instrumentos protagonistas serán os de percusión. Audicións, pintura e creatividade serán os nosos elementos para crear un auténtico tambor.

20 de abril. O vento que asubía

Audicións de instrumentos de vento, frautas, trompetas e trombóns. Obras de arte e sons nun taller onde a creatividade e a destreza nos axudarán a construír unha frauta máxica. 

27 de abril. Pentagramas máxicos

O último sábado musical está dedicado ás orquestras, aos dúos, aos conxuntos e aos grupos musicais. Algunhas obras de arte inspirarán o noso taller onde realizaremos un traballo plástico de conxunto. 

 

(Preciso levar mandil a cada un dos obradoiros)

 

Prezo: 3 € / participante

 

Inscricións a través da web Ataquilla.com

Prazas limitadas

Para máis información, areaeducativacompostela@afundacion.org ou no 981 552 577