Setembro na Biblioteca Infantil Afundación. Santiago de Compostela

Na última quincena do mes de setembro, a Biblioteca Infantil Afundación en Santiago de Compostela prepara un atadiño de actividades para que desfrute a rapazada. No ensanche compostelán terán oportunidade de asistir a unha nova exposición bibliográfica, un clásico da nosa biblioteca, así como á Hora do conto, entre outros enredos. Toma nota a seguir de todas as cousiñas que preparamos para vós: 

 

EXPOSICIÓN BIBLIOGRÁFICA Achégate a outra lingua!

Desta volta, os nen@s teñen ao seu dispor unha interesante selección de libros en inglés para somerxerse nas lecturas a través dos novos conceptos que nos achega a lingua estranxeira. 

 

HORA DO CONTO

Martes 18 e 25 setembro. 18.30 h. Atractivos contos narrados a viva voz para os máis cativ@s. 

 

OBRADOIROS DE DINAMIZACIÓN LECTORA

Xoves 20 setembro. 18.30 h. Crea a túa propia personaxe. Obradoiro de expresión plástica.

Xoves 27 setembro. 18.30 h. Marcapáxinas orixinais. Obradoiro de creación artística.

 

VISITAS ESCOLARES. A partir de outubro comeza o prazo para apuntarse ás visitas escolares orientadas a todos os centros de infantil e primaria.

 

ACTIVIDADES DO CONCELLO

Venres 21 setembro. 16.30 a 19.30 h. Obradoiro de prensa.

(Máis información sobre esta actividade e outras, no propio centro.)

 

OLLO! Non esquezas devolver durante o mes de setembro os libros que levaches no verán. Ten en conta que a partir de outubro aplicaremos a penalización solidaria para os libros que se entreguen con retraso!