Proxecto «Comprometidos co medio ambiente e os océanos».
Co gallo do Día do Medio Ambiente (ODS 13: Acción polo clima) 5 de xuño, e o Día dos Océanos, 8 de xuño (ODS 14: Vida submarina), lanzamos o proxecto «Semana do Medio ambiente e os Océanos» que se irá desenvolvendo ao longo de todo o ano cunha serie de propostas culturais e sociais relacionadas coa ecoloxía. Descubre embaixo todo o que fomos programando para a conciencia medioambiental.
O obxectivo deste proxecto é concienciar, mobilizar e unir a sociedade respecto á acción ambiental e á xestión sostible dos océanos. Desde ABANCA e Afundación queremos potenciar un modelo de educación transformadora asentado na innovación, a internacionalización e a multiculturalidade, a sostibilidade e as boas prácticas. Traballamos en favor dun modelo sostible que contribúe ao equilibrio económico, social e ambiental da nosa contorna, nun compromiso os 365 días do ano para mellorar a sociedade e fomentar o desenvolvemento integral de todas as persoas que somos parte dela.
- CICLO DE CONFERENCIAS E MESAS REDONDAS.
No noso perfil de Crowdcast propoñemos unha serie de relatorios e coloquios sobre a sostibilidade, o coidado do medio ambiente e os océanos desde diferentes perspectivas.
Luns 1 de xuño, ás 17.00 h - «El liderazgo empresarial para el desarrollo sostenible tras COVID-19», por María Mendiluce, participante do Comité de Dirección do Consello Empresarial Mundial para o Desenvolvemento Sostible.
Martes 2 de xuño, ás 19.00 h - «Contribución de la pesca a los océanos sostenibles: la visión del sector pesquero internacional», por Javier Garat, secretario xeral da Confederación Española de Pesca (CECOPESCA), presidente da Asociación de las Organizaciones Nacionales de Empresas Pesqueras de la UE (Europêche) e presidente da Coalición Internacional de Asociaciones Pesqueras (ICFA).
Mércores 3 de xuño, ás 18.00 h - Coloquio «Mulleres do mar», con Rita Vidal Mouriño, presidenta da Asociación de mariscadoras AMARCARRIL, Rosa Chapela (responsable da área de Socioeconomía da pesca de CETMAR) e Jenifer Suárez (pescadora de Fisterra). Moderado por Javier Fraga.
Xoves 4 de xuño, ás 17.00 h - «Innovación para un océano sostenible», con Montserrat Pérez, Francisco Rodríguez e Jesús Gago, científicos de diferentes áreas de investigación do Instituto Español de Oceanografía (IEO).
Venres 5 de xuño, ás 17.00 h - «Hacia la energía del futuro: del homo sapiens a la economía circular», por Nieves Cifuentes, responsable corporativa de Medio Ambiente e Sostibilidade en Naturgy.
Luns 8 de xuño, Día Mundial dos Océanos, ás 19.00 h - Programa de sostibilidade: «Pleamar, apostando por la sostenibilidad pesquera, acuícula y el crecimiento azul», por Javier Remiro Perlado, coordinador da área de Pesca e Acuicultura Sostible na Fundación Biodiversidade.
Martes 9 de xuño, ás 18.00 h - «Como sigamos contaminando as rías, acabaremos con máis patóxenos», por Alberto Gutiérrez, investigador predoutoral do grupo de Oceanografía biolóxica do Centro de Investigación Mariña da Universidade de Vigo – Campus do Mar.
Martes 16 de xuño, ás 18.00 h - «O mar de Galicia e o cambio climático», por Xosé Antón Álvarez Salgado, profesor de investigación no Instituto de Investigacións Mariñas (CSIC).
Martes 23 de xuño, ás 18.00 h - «El papel del fitoplancton en el cambio climático», por Luis Paulo Alcazar, investigador predoutoral do grupo de Oceanografía biolóxica do Centro de Investigación Mariña da Universidade de Vigo – Campus do Mar.
Martes 30 de xuño, ás 18.00 h - «Cogombro de mar, o gran descoñecido. Cal é o seu papel no océano?», por Tania Ballesteros Otero, Investigadora predoutoral do grupo de Ecoloxía costeira do Centro de Investigación Mariña da Universidade de Vigo – Campus do Mar.
A programación, con máis invitad@s e relatorios, continuará durante todo o mes de xuño. Non os perdas!
Esta exposición, en torno a mares e océanos, abrangue unha destacada selección de fondos das coleccións de Arte ABANCA e Afundación amosando diferentes enfoques e interpretacións a través das pezas seleccionadas. Así, o medio mariño exerce de musa ou modelo inspirador para algúns creadores e tamén como espazo de traballo e de reivindicación de determinados oficios, para outros. Invítanos a reflexionar sobre a importancia do medio e a necesidade de preservalo no mundo actual. Os océanos cobren o 70 % da superficie da Terra e representan, sen lugar a dúbida, a fonte de vida e recursos máis importante da que dispoñemos.
Pica aquí para máis información sobre a expo.
- Mapa interactivo da elevación do nivel do mar
A saúde dos océanos estase a deteriorar debido ao aumento das temperaturas, a acidificación da auga, o esgotamento dos recursos naturais e a contaminación dos ecosistemas terrestres e marítimos.
En Afundación, conscientes da magnitude deste problema, realizamos esta recreación dun total de 62 puntos costeiros da península ibérica que mostra a situación no ano 2020 e a estimación do terreo que quedaría por baixo do nivel do mar no ano 2100, segundo a interpretación dos estudos realizados por Climate Central, unha organización independente formada por científicos e xornalistas que investigan sobre o cambio climático e informan á sociedade sobre os achados clave.
- APRENDER A COIDAR. Experimentos con Naturnova
- MULLERES DE MAR.
Microrrelatos audiovisuais protagonizados por Rita Míguez, mariscadora e presidenta de ANMUPESCA; Rosa Chapela, responsable da área de Socioeconomía da Pesca do CETMAR Vigo; e Jenifer Suárez, pescadora, que teñen como obxectivo mover conciencias sobre a urxencia de coidar o mar e os océanos.