Segunda quenda viaxe a Xapón, Espazos +60 Afundación

PRAZAS CUBERTAS, ABRIMOS A LISTA DE AGARDA

Tradición e modernidade van da man nun dos países con máis personalidade do continente asiático.

Xapón, que ata mediados do século XIX pechou as súas fronteiras aos avances de Occidente, abriuse finalmente ao mundo despois de que Estados Unidos ameazase con atacar as súas costas se non saía do seu illamento. A partir de aquí, o país abandonou o sistema feudal e iniciou un proceso de modernización que o converteu nun dos estados tecnoloxicamente máis avanzados. Aínda así, esta rápida transformación non levou á perda dunha cultura milenaria que aínda está moi presente na sociedade xaponesa.

Do 18 ao 28 de setembro, as persoas socias de Espazos +60 viaxarán a Xapón.

O 18 de setembro recollida nos Espazos +60 e traslado ao aeroporto da Coruña/Vigo para partir nun voo regular (vía Madrid) con destino a Tokyo. Cea e noite a bordo.

O 19 de setembro chegarán a Tokyo ás 9.55 horas e, despois de recoller a equipaxe e coñecer o guía, sairán cara ao hotel. Xantarán nun restaurante local. Tempo libre para descansar. Cea e aloxamento.

O 20 de setembro, despois do almorzo, comezará a xornada coa visita á praza do Palacio Imperial, situada no recinto do antigo castelo de Edo. Seguirán visitando o santuario Meiji, dedicado ao emperador Meiji (reinado 1868-1912), xefe de Estado tras acabar co sistema militar feudal, o shogunato, e converter Xapón nun país moderno. Xantar nun restaurante local. Continuarán a súa visita ao templo Sensoji de Asajusa, un dos máis antigos da cidade dedicado a Kannon, unha divindade atopada no leito dun río por dous irmáns. Dentro do recinto deste templo fundouse un santuario xintoísta de Asakusa, cuxos obxectos de veneración son os dous irmáns e o xefe do barrio, fundadores do templo Sensoji. Posteriormente trasladaranse á Oficina do Goberno Metropolitano de Tokyo, un edificio de 243 metros de altura e 48 pisos desde onde gozaremos dunha espectacular visita a Shijuku, o barrio comercial máis importante da cidade.

Pasarán en autobús pola avenida Ginza para facer unha visita panorámica do equivalente á Quinta Avenida de Nova York. Traslado ao hotel, cea e aloxamento.

O 21 de setembro, despois do almorzo, sairán cara á zona de Fuji, Kawaguchiko. Collerán un teleférico ata o monte Kachikachi para admirar dende o aire as vistas do maxestoso monte Fuji e do lago Kawaguchi. Despois do xantar, trasladaranse a Matsumoto, onde visitarán o castelo de Matsumoto (visita exterior), un dos castelos máis espectaculares de Xapón. A súa construción remóntase á era Sengoku, cando foi construída como fortaleza co nome de castelo de Fukashi. O castelo de Matsumoto está considerado un Tesouro Nacional de Xapón e é un dos catro castelos construídos orixinalmente, un dos máximos expoñentes da arte de Hirajiro. Traslado ao hotel. Cea especial estilo xaponés.

O 22 de setembro, despois do almorzo, seguirase por estrada ata Takayama, onde visitarán o museo de carrozas que se usa no festival da cidade, Yatai Kaikan, feito con complicadas decoracións. Utilízanse durante a festa da primavera da cidade, unha das máis importantes de Xapón. Visitarán a zona de Kami-Sannomachi que mantén o espírito da era Edo. Despois trasladaranse a Shirakawago, unha localidade dos Alpes xaponeses situada entre montañas. Visitarán esta cidade Patrimonio da Humanidade, famosa polas casas “Gasshozukuri” con tellados moi inclinados en forma de oración (dúas palmas xuntas), deseñados para soportar o peso da neve acumulada, típica desta rexión. Xantarán nun restaurante local. Chegada a Kanazawa. Cea e aloxamento.

O 23 de setembro, despois do almorzo, visitarase o famoso xardín Kenrobuen, o xardín do “daimyo” (señor feudal) Maeda, un dos máis fermosos de Xapón. Visitarán a típica casa samurai da familia Nomura, unha casa tradicional da época Edo, e terán a oportunidade de coñecer o modo de vida na época feudal. Despois percorrerán o barrio de Higashi Chaya, un barrio onde se conservan as casas de té e a súa disposición de estilo tradicional, pequenas casas de dúas plantas e rúas estreitas. Xantarán nun restaurante local. Continuarán cara a Kioto. Chegada, cea e aloxamento.

O 24 de setembro, despois do almorzo visitarase o castelo de Nijo, declarado Patrimonio da Humanidade pola UNESCO. Castelo da época Edo ou feudal, co final desta época o castelo pasou a formar parte da residencia imperial durante un breve período tras o cal foi aberto ao pobo, rodeado dun fermoso xardín xaponés, forma parte do conxunto histórico monumentos da antiga Kioto. Despois, visitarán o templo Kinkaku-ji (Pavillón de Ouro), Patrimonio da UNESCO cuxos dous pisos superiores están recubertos con láminas de ouro puro.

A un quilómetro de distancia atópase o Templo Ryoan-ji, patrimonio da UNESCO, un importante templo da escola Rinzai (budismo zen) fundada en 1448 por Hosokawa Katsumoto quen, cando sentiu a hora da súa morte, decidiu levar a cabo esta construción para retirarse cos monxes. É mundialmente famosa polo seu xardín zen, atribuído ao pintor e xardineiro Soami.

Despois percorrerán o barrio de Gion, o famoso barrio das Geishas e Maikos xaponesas. Como no resto da cidade, Gion aínda mantén ese aspecto clásico, coas súas calellas e rúas peonís, as súas casas de té con decoración típica, o que a converte nun dos atractivos turísticos de Kioto. Xantarán nun restaurante local. Regresarán ao hotel e disporás de tempo libre ata a cea. Cea e aloxamento.

O 25 de setembro, despois do almorzo, partirán no tren bala Nozomi cara a Hiroshima. Comezarán a visita vendo o santuario Itsukusima en Miyajima (a pé), famoso polo pórtico "Torii" no mar, catalogado como Patrimonio da Humanidade pola UNESCO. Despois, visitarán o parque e museo da Paz, dedicado ao legado de Hiroshima como primeira cidade do mundo en sufrir un ataque nuclear e á memoria de todas as vítimas da bomba. Finalmente, as visitas rematarán na cúpula da bomba atómica, o único edificio que quedou en pé nas inmediacións do lugar onde estoupou a primeira bomba o 6 de agosto de 1945. Xantarán nun restaurante da localidade. Partirán cara a Kioto no tren bala Nozomi. Chegada á estación de Kioto e trasladado ao hotel.

O 26 de setembro, despois do almorzo, deleitaranse co templo Fushimi Inari, coñecido polos seus “toris” vermellos (portas). É un santuario xintoísta dedicado ao Deus da prosperidade e das abundantes colleitas. Despois, dirixiranse a Nara, unha pequena cidade situada a 43 km de Kioto, fundada no ano 710, e que foi a primeira capital fixa do Imperio xaponés, dende o 710 ata o 784.

Chegarán ao verdadeiro pulmón da cidade, o parque sagrado dos cervos, o parque urbano máis grande de Xapón. Pasarán por este fermoso parque, rodeado destes animais, ata chegar ao templo Todai-ji, un dos máis importantes do país. Continuarán cara a Osaka, e desprazaranse ata a zona de Dotonbori, unha arteria peonil que concentra toda a maxia luminosa de Osaka. Chegarán ao “atleta Glico”,

o rótulo desta empresa de galletas e caramelos, que coroa dende 1919 a ponte Ebisu-bashi, é un dos referentes da cidade ante o que se farán a obrigada foto. Xantarán nun restaurante local. Regresarán ao hotel e terán tempo libre ata a cea. Este día deben deixar as maletas grandes no vestíbulo para poder envialas a Tokyo. Os socios prepararán unha pequena mochila para unha noite sen unha maleta grande. Cea e aloxamento.

O 27 de setembro, despois do almorzo, visitarase o castelo de Osaka, que foi construído a finais do século XVI por un señor da guerra. Este castelo sitúase no centro dun gran parque de 105 hectáreas con gran cantidade de cerdeiras. Despois, visitarán o observatorio “Xardín flotante” no Umeda Sky, un edificio de 40 pisos e 173 metros de altura que consta de dúas torres conectadas entre si. É o emblema de Osaka e dende a súa parte superior pódense ver vistas de 360 graos da cidade. Xantarán nun restaurante local. Á hora acordada, irán á estación para coller o tren bala a Tokyo. Chegada, traslado ao hotel e cea.

O día 28 de setembro, despois do almorzo, á hora indicada, traslado ao aeroporto para tomar o voo de regreso a Vigo/A Coruña vía Madrid. Chegada e traslado a Espazos +60.

A viaxe, organizada por Nautalia, inclúe:

• Traslados desde Espazos +60 ata A Coruña -aeroporto de Vigo/Madrid/Tokyo e viceversa

• Horario de voos previstos (suxeito a cambios):

• Franquía gratuíta dunha maleta facturada por persoa de 23 kg

• Taxas aeroportuarias vixentes na actualidade

• Bus de circuíto

• Aloxamento nos hoteis propostos ou similares en habitación dobre

• Pensión completa con bebidas incluídas: 1 auga ou 1 refresco ou 1 cervexa ou 1 copa de viño por persoa e servizo

• Guía de fala hispana no destino

• Entradas ao Shibuya Sky, santuario Meiji, templo Sensoji en Asakusa, Tokyo Metropolitan Government Office, teleférico para subir ao monte Kachikachi, museo das carrozas de Takayama, xardín Kenrokuen, ⁠casa samurai Nomura, ⁠Castelo de Nijo, templo Kinkaku-ji, templo Tenryu, ⁠tren bala Nozomi ida e volta Kyoto - Hiroshima, ⁠santuario Itsukushima, museo da Paz de Hiroshima, templo Fushimi Inari, castelo de Osaka, observatorio do edificio Umeda Sky e tren Bala Osaka – Tokyo

• Visitas ao barrio de Shibuya, de Tokyo, excursión monte Fuji –Matsumoto, visita de Takayama e Shirakawago, Kyoto, visita Nara co  seu parque, visita zona Dotonbori de Osaka e visita a Osaka

• 1 acompañante de Nautalia Viajes e 2 acompañantes de Afundación durante toda a viaxe

• Audioguías individuais para visitas

• Maleteiros nos hoteis

• Taxa do servizo

• Seguro de viaxe, asistencia e cancelación non reembolsable (110 euros). Este seguro é obrigatorio e non se desconta, aínda que se subscriba o seguro opcional.

IMPORTANTE

A orde do itinerario pode modificarse sen previo aviso, así como a orde das visitas sen que isto altere o contido do programa, que se respecta integramente.

Prezos calculados en función do cambio de moeda, combustible e tarifas a decembro de 2024, pendentes de revisión no momento da emisión, sendo susceptibles de cambio de prezo e non proceder a cancelar a viaxe sen gastos.

O importe do seguro de viaxe non é reembolsable, independentemente das causas ou do aviso previo co que se produza unha posible cancelación.

 

PREZOS BASEADO NUN GRUPO DE 40 PASAXEIROS

• En habitación dobre/persoa socia ABANCA: 5.665 €

• En habitación dobre/parella: 6.235 €

• Suplemento habitación individual: 610 € (a realizar no último pagamento)

*No caso de cancelación do acompañante ou de non atopar persoa para compartir habitación, o cliente deberá asumir o custo do suplemento individual.

 

CONDICIÓNS DE PAGO

• No momento de confirmación da praza: 1.015€ persoa socia Abanca; 1.015€ persoa socia + seguro de libre desistencia SÓ se o contrataches (325€)

• Antes 15 de xuño: 1.550 € persoa socia Abanca; 1.550 € persoa socia

• Antes 15 de xullo: 1.550 € persoa socia Abanca; 1.550 € persoa socia

• Antes do 15 de agosto: 1.550 € persoa socia Abanca; 2.120€ persoa socia + suplemento habitación individual (610 €)

 

HOTEIS PLANIFICADOS OU SIMILARES

• Tokyo: Hotel Villa Fontaine Grand Tokyo Ariake Hotel 4*

• Matsumoto: Hotel Utsujushigahara Onsen 4*

• Kanazawa: Hotel Niko Kanazawa 4*

• Kyoto: Hotel Nikko Prince Kyoto 4*
  
  
• Osaka: Hotel Monterey Osaka 4*

• Tokyo: International Garden Hotel Narita 4* (última noche)

CONDICIÓNS DE CANCELACIÓN

• Desde o momento da confirmación da viaxe ata 121 días antes da saída:  400 €

• Entre 120 e 91 días antes da saída: 600 €

• Entre 90 e 61 días antes da saída: 1.500 €

• Entre 60 e 31 días antes da saída: 2.500 €

• 30 días antes da saída: 100%

 

PROCEDEMENTO DE INSCRICIÓN

A inscrición farase efectiva unha vez cuberto o formulario en liña. Para verificar que o seu rexistro se enviou correctamente, recibirá un correo electrónico de confirmación. Se non recibe ese correo, póñase en contacto connosco no 698 122 915.

Confirmarémoslle a súa praza por correo electrónico, nese momento deberá realizar o primeiro pago.

As prazas de autobús concederanse por rigorosa orde de inscrición.

Se aínda non é socio/a e quere viaxar connosco, pode pasar por un Espazo +60 ou pedir cita.

(*) Condicións completas no seu Espazo +60 Afundación ou en Nautalia (R/ Durán Loriga, 12 - A Coruña - 981 117 659)