Segredos dunha Santa - Espazo +60 Ourense

O Espazo +60 de Ourense propón unha ruta guiada por Santa Mariña de Augas Santas, unha aldea sorprendente cun extraordinario conxunto histórico e mítico.

Durante a visita coñeceremos a Igrexa de Santa Mariña, de orixe gótica (século XIV), construída sobre un antigo santuario prerrománico. Neste lugar venéranse os restos da mártir Santa Mariña.

Achegarémonos tamén ao coñecido Forno da Santa (Cripta da Ascensión), un espazo de gran valor simbólico, posiblemente vinculado a antigas estruturas castrexas como a “pedra formosa”. Segundo a tradición, neste lugar foi sometida ao martirio a santa.

O percorrido continúa pola Piouca da Santa, tamén chamada As Pías ou Baños de Santa Mariña, onde a lenda conta que San Pedro arrefriou o corpo da santa. As augas deste lugar considéranse milagrosas.

Finalmente, visitaremos o castro de Armea, un asentamento galaico-romano romanizado, con restos de rúas pavimentadas, sistemas de saneamento e vivendas de dous pisos. Segundo a tradición, aquí residía o pretor romano que se namorou de Santa Mariña, desencadeando o seu martirio.

Datos do evento:

• Data: Xoves, 23 de abril
• Horario: Saída ás 10:00 h · Retorno ás 14:00 h
• Prezo: 20 € (inclúe transporte en bus e guía especializado)

Inscrición obrigatoria a través do formulario en liña ou no Espazo +60 (988 23 63 03).

Prazo de inscrición ata o 14/04/2026