Real Filharmonía de Galicia - Paul Daniel e Luis Fernando Pérez
O 25 de febreiro ás 20.30 h. podes gozar no Teatro Afundación de Vigo do concerto da Real Filharmonía de Galicia dirixida por Paul Daniel e con Luis Fernando Pérez ao piano. O espectáculo está incluído na Tempada de Música Clásica 2015-2016.
Programa
I
FELIX MENDELSSOHN (1809-1847)
Obertura de La bella Melusina, op. 32
Concerto para piano núm. 2 en re menor, op. 40
Allegro appasionato
Adagio, Molto sostenuto
Finale. Presto scherzando
II
FRANZ SCHUBERT (1797-1828)
Sinfonía núm. 6 en do maior, D. 589
Adagio – Allegro
Andante Scherzo: Presto
Allegro Moderato
Paul Daniel é o director titular e artístico da RFG desde xaneiro de 2013, e encárgase tamén da dirección musical da Orquestra Nacional de Burdeos. Foi o principal director e conselleiro artístico da West Australian Symphony Orchestra de Perth e director musical da English National Opera e das óperas Factory e North. Entre os premios recibidos destaca un Olivier, un Gramophone, e a Cruz do Imperio Británico, coa que foi recoñecido nos New Year’s Honours de 2000.
Luis Fernando Pérez realiza os seus estudos musicais en Madrid, Colonia e Barcelona, onde obtén o mestrado en Música Española. Considerado un dos pianistas máis talentosos da actualidade, a súa carreira levouno por importantes escenarios de todo o mundo acadando un enorme éxito.
A Real Filharmonía de Galicia (RFG) inicia a súa actividade en 1996 no Auditorio de Galicia de Santiago de Compostela, onde presenta a súa tempada estable de concertos. Na actualidade, o director da formación é Paul Daniel, quen está acompañado por Maximino Zumalave, director asociado, e Christoph König, principal director convidado.