Presentación do libro O moucho voa. Filosofía en 23 conversas, de Miguel Vázquez Freire - Espazo +60 Santiago

Miguel Vázquez Freire presenta a súa obra O moucho voa. Filosofía en 23 conversas, un libro que convida a pensar de maneira clara e amena sobre cuestións fundamentais da vida.

A publicación está composta por unha serie de conversas organizadas arredor de catro grandes temas da filosofía tradicional: o Ser, a Verdade, o Ben e a Xustiza. A través dun ton próximo e desenfadado, o autor achega a reflexión filosófica a todas as persoas, independentemente da súa formación previa.

A filosofía ocúpase dos asuntos que nos preocupan como sociedade e como individuos, e proporciónanos ferramentas para pensar con maior rigor e vivir dunha forma máis consciente e plena.

Durante o encontro, o autor compartirá as claves do seu libro e dialogará co público nun espazo aberto á reflexión.

Xoves 30 de abril de 2026 de 17:30 a 19:00 h
Actividade gratuíta
Inscrición necesaria do 9 ao 29 de abril no Espazo +60 de Santiago.