Ciclo Educación s. XXI con DANIEL MILLÁN «Entendendo, de verdade, o autismo», en Pontevedra
Desde hai máis de 20 anos, o psicólogo Daniel Millán dedica a súa actividade ao Trastorno do Espectro Autista (TEA). Converteu o seu coñecemento, e a
súa experiencia, en libros como É autista, e agora que? (2024), ou a Guía Autista – Consellos para sobrevivir no tolo mundo dos neurotípicos (2021). O próximo 11 de novembro departirá na Sede Afundación en Pontevedra sobre como comprender e afrontar o TEA coa conferencia «Entendendo, de verdade, o autismo», que forma parte do ciclo EDUCACIÓN S. XXI. De acceso libre, con reserva previa en Ataquilla.com. Nas súas conferencias, Millán axuda a comprender con maior profundidade o mundo do Trastorno do Espectro Autista (TEA), compartindo a súa experiencia e divulgando a realidade do autismo, chea de matices.
martes, 11 NOV 2025 | Teatro Afundación Vigo
- 19.00 h | Entradas para público xeral en Ataquilla.com
- 11.00 h | Entradas para ESCOLARES
Esta conferencia encádrase no programa solidario Cultura por Alimentos. Accede cunha doazón de alimentos, que irá destinada integramente aos bancos de alimentos locais.
Máis información
DANIEL MILLÁN LÓPEZ
Licenciado en Psicoloxía Clínica e da Saúde pola Universidade Complutense de Madrid, comezou a traballar co TEA a través da Asociación de Padres de Niños Autistas (APNA) e no gabinete de diagnóstico DELETREA. Durante máis de tres anos, foi o director xeral e máximo responsable técnico da Asociación de Padres de Niños Autistas de Badajoz. Actualmente, traballa facendo terapia e diagnósticos para persoas de todo o mundo. En 2025 publicou o libro Tengo una chispa en la cabeza. A conferencia «Entendendo, de verdade, o autismo» é unha das actividades programadas neste outono en toda Galicia co ciclo Educación S. XXI.
CICLO EDUCACIÓN S. XXI
Un programa de conferencias para dar a coñecer as últimas tendencias, estudos e teorías sobre educación a toda a comunidade escolar e ao público xeral. Grandes especialistas xa pasaron polos nosos edificios. Se tes interese en visualizar estes contidos, bota un ollo en Afundacion.tv
Queres coñecer todos os encontros desta NOVA EDICIÓN do ciclo Educación s. XXI? Entra aquí e infórmate.