PLANCTON 2022. Limpeza de areais na Praia de Barrañán (Arteixo)

O sábado 30 de abril organizamos unha nova xornada de limpeza de lixos mariños na Praia de Barrañán (Arteixo) no marco do plan de conservación territorial PLANCTON. 

O obxectivo nesta ocasión é a concienciación, a limpeza de residuos (residuos sólidos urbanos ou residuos domésticos) e retirada dunha especie exótica invasora (Carpobrotus edulis), unlla de gato, do medio natural, así coma a posta en valor da riqueza natural do espazo visitado.

A iniciativa enmárcase dentro do Proxecto “PLANCT-ON: Plan de conservación territorial-ON”, levado a cabo por Afundación-Obra Social ABANCA; e con voluntariado xestionado polo Grupo Naturalista Hábitat.

PLANCTON 2022 é un proxecto multidisciplinar, enmarcado dentro da estratexia de sostibilidade de ABANCA e Afundación, que ten como obxectivo principal fomentar a conservación e a sostibilidade das actividades socioeconómicas que se levan a cabo en catro das Zonas de Especial Protección para as Aves de ámbito mariño existentes en Galicia. No marco deste proxecto, que se iniciou en 2021, conseguíuse retirar ata o de agora preto de 20 toneladas de residuos das costas e fondos de Galicia.

MÁIS INFORMACIÓN sobre este programa.