PLANCTON. Xornada divulgativa sobre boas prácticas para a conservación de Rede Natura 2000 en Vigo
O 2 de decembro no Pazo de San Roque (rúa Filipinas, s/n) en Vigo faremos balance das actividades levadas a cabo ao longo deste ano no programa PLANCTON, entre as que destacan as limpezas de fondos mariños e praias, en colaboración con confrarías e concellos. En todas as accións foi clave a implicación do voluntariado, en especial do sector pesqueiro.
Acción gratuíta cofinanciada polo FEMP.
PROGRAMA
17.00 h Palabras de benvida a cargo de Gloria Rodríguez, coordinadora de Comunicación en Afundación
17.15 h Biodiversidade e Sostibilidade a cargo de Sebastián Villasante, profesor da USC
18.00 h Vídeo sobre RN2000 e ZEPAS do proxecto PLANCTON
18.10 h Resultados, conclusións e novos retos, a cargo de Pilar Alves, coordinadora Xeral de RSC de Afundación, e Saleta G. Pimentel, bióloga e consultora de Equilátero Desenvolvemento Sostible Consultores
18.45 h Vídeo A biodiversidade e as mulleres do mar
19.00 h Debate sobre a biodiversidade e as mulleres do mar
Modera: María García Cabeza, coordinadora de Sostibilidade de ABANCA
Participan:
- Guadalupe Jueguen, mariscadora, parquista e secretaria de AmarCarril
- Rita Míguez, presidenta da Asociación Nacional de Mulleres da Pesca (ANMUPESCA).
O proxecto PLANCTON conta coa colaboración da Fundación Biodiversidade, do Ministerio para a Transición Ecolóxica e o Reto Demográfico, a través do Programa Pleamar, cofinanciado polo FEMP, e complementario ao proxecto LIFE-IP INTEMARES, e ten como gran obxectivo fomentar a conservación e a sustentabilidade das actividades socioeconómicas nas áreas de influencia das Zonas de Especial Protección de Aves Mariñas de Galicia (ZEPA) e outras da Rede Natura 2000.
MÁIS INFORMACIÓN sobre este programa.