Limpeza de areeiros en RAZO e BALDAIO

Nova xornada de limpeza de residuos dentro do Plan de Conservación Territorial On (PLANCTON). Desta volta, persoas voluntarias de ABANCA e Afundación retiraremos lixo mariño no conxunto de praias Razo–Baldaio-Punta do Sal, dentro da Rede Natura 2000. A actividade ten como obxectivo, ademais de retirar os residuos, promover a concienciación sobre a importancia de que actuemos de xeito responsable como sociedade para manter os recursos, desenvolverase desde as 10.00 ata as 14.00 h.

 

PLANCTON é un proxecto multidisciplinar, enmarcado dentro da estratexia de sustentabilidade de ABANCA e Afundación, que ten como obxectivo principal fomentar a conservación e a sustentabilidade das actividades socioeconómicas que se levan a cabo en catro das Zonas de Especial Protección para as Aves de ámbito mariño existentes en Galicia.

 

Este proxecto conta coa colaboración da Fundación Biodiversidade, do Ministerio para a Transición Ecolóxica e o Reto Demográfico, a través do Programa Pleamar, cofinanciado polo FEMP, e é complementario ao proxecto LIFE-IP INTEMARES.

 

Outras accións realizadas con PLANCTON:

Illote Guidoiro-Areoso [+INFO]
Illa de Arousa [+INFO]
Illa de Cortegada [+INFO]