PLANCTON: Limpeza do areeiro do Vilar en Corrubedo

Desde Afundación levamos a cabo unha nova xornada de limpeza de residuos dentro do noso Plan de Conservación Territorial On (PLANCTON). Nesta ocasión, persoas voluntarias convocadas pola Obra Social de ABANCA retiran residuos na praia do Vilar, en Corrubedo. A actividade ten como obxectivo, ademais da limpeza, promover a concienciación sobre a importancia de que como sociedade actuemos de forma responsable para manter os recursos.

 

Outras accións realizadas con PLANCTON:

Illote Guidoiro-Areoso [+INFO]
Illa de Arousa [+INFO]
Illa de Cortegada [+INFO]
Praias de Razo, Baldaio e Punta do Sal [+INFO]
Limpeza de defensas Illa de Arousa [+INFO]

PLANCTON é un proxecto multidisciplinar, enmarcado dentro da estratexia de sustentabilidade de ABANCA e Afundación, que ten como obxectivo principal fomentar a conservación e a sustentabilidade das actividades socioeconómicas que levan a cabo en catro das Zonas de Especial Protección para as Aves de ámbito mariño existentes en Galicia. Este proxecto, que se desenvolve durante todo este ano e no que se retiraron xa 6 toneladas de residuos, conta coa colaboración da Fundación Biodiversidade, do Ministerio para a Transición Ecolóxica e o Reto Demográfico, a través do Programa Pleamar, cofinanciado polo FEMP, e é complementario ao proxecto LIFE-IP INTEMARES.