PLANCTON 2023. Limpeza de areeiros na praia de Baldaio, Carballo

Nova xornada de limpeza de residuos dentro do Plan de Conservación Territorial On (PLANCTON). Desta volta, persoas voluntarias de ABANCA e Afundación retiran lixo mariño na praia de Baldaio, área declarada como Zona Especial de Conservación (integrada no ZEC Costa da Morte) baixo a Rede Natura 2000. A actividade ten como obxectivo, ademais de retirar os residuos, promover a concienciación sobre a importancia de que actuemos de forma responsable como sociedade para manter os recursos.

A praia de Baldaio é tamén área prioritaria de conservación no Plan de Conservación da Píllara das dunas (Charadrius alexandrinus) e desde o ano 2018, o noso voluntariado visita este areal e a súa lagoa para retirar os residuos que o mar arrastra cara á costa, poñendo en perigo a conservación deste espazo natural de gran valor natural.

PLANCTON é un proxecto multidisciplinar, enmarcado dentro da estratexia de sustentabilidade de ABANCA e Afundación, que ten como obxectivo principal fomentar a conservación e a sustentabilidade das actividades socioeconómicas que se levan a cabo en catro das Zonas de Especial Protección para as Aves de ámbito mariño existentes en Galicia.

Máis información AQUÍ.