PLANCTON 2022. Limpeza de areeiros na praia de Zarautz

O sábado 22 de outubro organizamos unha nova xornada de limpeza de lixo mariño na praia de Zarautz (Guipuzkoa) no marco do plan de conservación territorial PLANCTON.

O obxectivo nesta ocasión é a concienciación, a limpeza de residuos (residuos sólidos urbanos ou residuos domésticos) do medio natural, así como a posta en valor da riqueza natural do espazo visitado.

A iniciativa enmárcase dentro do Proxecto “PLANCT-ON: Plan de conservación territorial-ON”, levado a cabo por Afundación-Obra Social ABANCA; e con voluntariado de Bankoa-ABANCA xestionado por Afundación e Surfrider Foundation.

PLANCTON 2022 é un proxecto multidisciplinar, enmarcado dentro da estratexia de sustentabilidade de ABANCA e Afundación, que ten como obxectivo principal fomentar a conservación e a sustentabilidade das actividades socioeconómicas que levan a cabo en catro das Zonas de Especial Protección para as Aves de ámbito mariño existentes en Galicia. No marco deste proxecto, que se iniciou en 2021, conseguiuse retirar ata o de agora preto de 20 toneladas de residuos das costas e fondos de Galicia.

MÁIS INFORMACIÓN sobre este programa.