Paseos pola historia e a cultura de Betanzos e a súa contorna, Espazo +60 Betanzos
O Espazo +60 de Betanzos organiza unha vez ao mes un paseo pola cultura e a historia de Betanzos e a súa contorna, onde as persoas participantes poderán achegar os seus coñecementos para descubrir recantos e coñecer vestixios da historia do municipio, á vez que as persoas participantes comparten os seus coñecementos e gozan dun agradable paseo.
O 20 de xaneiro, de maneira excepcional nesta ocasión adiántase ao terceiro luns de mes, percorrerán parte da primeira etapa dunha ruta do Camiño de Santiago, unha das tres que pasan por Betanzos, segundo Francisco Vales Villamarín. É a que parte de Fontán (Sada), utilizada principalmente por ingleses e irlandeses que desembarcaban alí.
O tramo que farán en sentido de ida e volta (unha distancia aproximada de 7 km) avanza desde a igrexa de Santa Mª de Pontellas, de estilo románico rural, pasa polo santuario neobarroco de Nosa Sra. das Angustias, construído no século s. XVIII, baixa pola Condomiña, onde se atopaba o antigo Hospital de Lazarados, fundado no. XIV por Fernán López de Andrade, e pasa por diante da capela de San Lázaro, do s. XVIII, para entrar en Betanzos pola porta de A Ponte Nova sobre o río Mendo.
A actividade será conducida por persoas voluntarias socias do Espazo +60 de Betanzos e forma parte do programa de voluntariado "O valor da experiencia" da área de Envellecemento Activo de Afundación, que ten como finalidade potenciar o papel activo das persoas maiores na sociedade e favorecer o desenvolvemento de accións interxeracionais e de voluntariado.
Apúntate no Espazo +60 de Betanzos!